صندوق الإسلام 36 :أمراض الأمة ، الفاشية الاسلامية

أهلاً بيكم في الموسم التالت لحلقات صندوق الإسلام

بعد ما عالجنا في الموسم الأول قصة نشأة الإسلام وقصة حياة محمد

وبعد في الموسم التاني ما إصطحبنا الأستاذ محمد المسيح في رحلة مع مخطوطات القرآن ومع قصص القرآن ومع تأثير اللغة الأرامية والسريانية على القرآن

تركنا الأستاذ محمد المسيح لفترة وأنا تلقيت الكثير من الرسائل من الأخوة المشاهدين اللي بيطلبوا عودة الأستاذ محمد المسيح

وأكيد هنعمل معاه مجموعة حلقات في المستقبل

بس في الموسم التالت هنبتدي نتكلم عن أمراض الأمة الإسلامية المعاصرة

هنتكلم عن مرض الارهاب هنتكلم عن دور المرأة ومشكلة الإسلام مع المرأة

الإسلام والجنس والإسلام والتعليم ، التسامح ، الأقليات

فيه منظومة أنا بأسميها الفاشية الإسلامية ،

الفاشية الإسلامية مصطلح أنا إستخدمته في كتابي اللي هو صدر بعدة لغات منها اللغة الإنجليزية بهذا العنوان Islamic Fascism

اللي عايز يتابع المصادر اللي أنا بأذكرها ، هيلاقي مئات المصادر في هذا الكتاب

ليه إتكلمت عن الفاشية الإسلامية وماباتكلمش عن الفاشية الدينية ؟

مصطلح الفاشية الدينية معروف من فترة إستخدمه مفكرين زي فرج فودة وغيره

بس أنا بصراحة شايف إن مصطلح الفاشية الدينية ، مصطلح مافيهوش إنصاف للأديان الأخرى

أكيد في كل الأديان تقريباً هنلاقي ظواهر زي عدم التسامح مشاكل بين المؤمنين بيه مشاكل مع الأقليات

ولكن لما بنستخدم مصطلح الفاشية الدينية إحنا في الغالب بنقصد مرض عدم التسامح الموجود في الإسلام تحديداً

فـ ليه نقول الفاشية الدينية ؟

إحنا عندنا في الشرق الأوسط مئات الأديان

عندنا في مصر أقباط وبهائيين، عندنا في سوريا ولبنان كل أطياف المسيحية اللي ممكن تتخيلها

عندنا في العراق وفي إيران أديان لا حصر لها مندائية كاكائية إيزيدية وهتلاقي الدرزية

ومعظمهم عايشيين في سلام أو عايشيين تحت وطأة الإسلام

ماسمعناش عن حد فيهم بيذبح بإسم إلهه، ماشوفناش حد بيغتصب بإسم إلهه

أكيد فيهم قتلة أكيد فيهم مغتصبين لكن ماحدش بيجيي من دينه بنصوص صريحة واضحة تحثُه على القتل والإغتصاب ولا طرد الأقليات من بيوتها ف وده عندنا في الإسلام

ف المفروض نسمي الأشياء بمسمياتها وهذا مبدأ دائماً

لما بنحب نتطرق لأمراض أمة لابد أن نسمي الاشياء بمسمياتها

يعني إيه فاشية إسلامية؟؟ وإيه مصطلح الفاشية ؟؟

زي ما أنا ذكرت في الكتاب الفاشية هي حركة سياسية نشأت في إيطاليا مع بدايات القرن العشريين

نشأت من منطق أمة إيطالية مهزومة إفتقرقت، أمة إيطالية بتحلم بالماضي والأمبراطورية الرومانية وترى واقع يعني خلاص الإنجليز والفرانساويين كانوا قد قسموا العالم فيما بينهم وإيطاليا يعني لا تلعب دور معين

فالعنجهية مع الشعور بالإذلال ، الخليط ده هو اللي بتنشأ منه كل الفاشيات

الهزيمة والحلم بالإنتصارات القديمة

بعد الفاشية ما ظهرت بفترة بسيطة وبعد موسوليني ما صعد للحكم سنة 22 في إيطاليا

جه بعديه على بـ 11 سنة في ألمانيا هتلر صعد بحركته النازية بنفس مبادئ الفاشية

الفاشية بتقول إيه بقى؟ بتقول: بتقول إحنا أرقى شعوب الأرض الشعب القاري هو أرقى شعوب الأرض

خَيْرَ أُمَّةٍ أُخْرِجَتْ لِلنَّاسِ من وجهة نظرهم هم

إن الهزيمة اللي حصلت دي خطأ تاريخي لازم يتصلح لازم إحنا نعود سادة الأمم من جديد إحنا اللي نسود العالم، أستاذية العالم

إن إحنا ننظر للبشرية بإحتقار، إحنا معانا الحقيقة المطلقة

ومعانا زي تكليف إلهي مقدس إن إحنا نسود البشرية

المبدأ الفاشي قائم على فكرة الإتحاد قوة

كلمة فاشيو اللي جاية منها كلمة الفاشية هي يعني حزمة من العصيان = العٌصيّ يعني كان بيحملها حاكم روما في إيده كده، كصولجان حكم (الإتحاد قوة)

وكان بيستخدم نفس الحزمة دي كـ كُرباج يعاقب بيه المذنبين، فـ فكرة  وَاعْتَصِمُوا بِحَبْلِ اللَّـهِ جَمِيعًا وَلَا تَفَرَّقُوا  على أعداء الله هي بردوا فكرة فاشية قديمة قبل الفاشية الحديثة ما تحصل

ليه أنا بأقارن الفاشية بالإسلام؟

ومش عايز أبدأ وأكرر من أول وجديد إن أنا لا باكره الإسلام ولا حاقد على الإسلام ولا غيران من الإسلام ولا بيني وبين الإسلام والمسلمين أي شئ

وزي ما قولت كتير أسرتي كلها مسلمين أصدقائي معظمهم مسلمين، وأنا أفرق دائماً بين الأيديولوجية وبين البشر

لكن إحنا إحنا عندنا مجموعة من الامراض إستوطنت وتحكمت وتوغلت في مجتمعاتنا

ومش عايزين نعترف إن المووضوع ده ليه علاقة بالدين وتأثيره في تفكيرنا وتأثيره في علاقتنا الإجتماعية وعلاقاتنا بأصحاب الأديان الأخرى وعلاقتان بالعالم بصفة عامة

ال الفاشية والنازية أمراض أصابت المجتمعات الاوروبية جاية من نرجسية وعقدة نقص في نفس الوقت

وهي دايماً هتلاقي عقدة النقص والنرجسية والبارانويا والوسواس القهري هتلاقيهم كلهم أمراض ليهم علاقة ببعض

ومجتمعاتنا الإسلامية تشتكي من هذه الأمراض ولا تعترف بوجودها  رغم وضوح أعراضها وتفشيها بشكل لا يمكن نكرانه بعد الآن

ليه باقارن بين الفاشية اللي هي حركة سياسية علمانية مع الإسلام اللي هو المفروض إنه دين قديم من 1400 سنة ؟؟

لسبب ولأكتر من سبب: الفاشية مش بس حركة سياسية وإنما دين سياسي

دين فيه كل اللي هاتجدها في الدين هتلاقي فيه أنبياء، هتلاقي حقيقة مطلقة، هتلاقي جنة ونار، هتلاقي شهادة في سبيل قضية

الفاشية قائمة على هذه المبادئ

فكرة الإصطفاء فكرة الكفاح كهدف في حد ذاته

والموت في سبيل الله أسمى أمانينا، مبدأ الكفاح في الفاشية هتلاقيه زي مبدأ الجهاد في الإسلام بالضبط

هتلاقي نظرة الفاشية للأقليات زي نظرة الإسلام للأقليات

يا إما يتركهم تحت رحمته يعيشون مذلولين يا إما ينسفهم أو ينفيهم أو يغصبهم على إن هم يعتنقوا مذهبه

بس طبعاً كتير من الأخوة المتدينين المسلمين بيزعلوا جداً

ومصممين على إن الإسلام دين رحمة ومصممين إن الإسلام لا علاقة له بالعنف والإرهاب وقهر المرأة وقهر الأقليات وإن بس الآخرين إن دي ظواهر فردية

تقوله طب شوف الشيعة في إيران عاملين إيه، يقولك الشيعة لا يمثلون الإسلام

كده 150 مليون مسلم لا يمثلون الإسلام، طب إخصمهم من المليار ونص مسلم

طب هتقوله داعش وبوكو حرام وحماس ووووو والجهاد الإسلامي وطالبان، يقولك دول لا يمثلون الإسلام

طب إحذف كمان 300 – 400 مليون تانين

هتقوله طب الحركات الإسلامية اللي في السودان والصومال ومالي في أفريقيا اللي بعد ما كانت القارة الإفريقية يعني مسالمة ومافيهاش عنف

علموهم العنف بعد ، بعد ما كانت قارة سلبية (سلمية) علموهم العنف

هنيقولك لأ دول مالهمش علاقة بالإسلام

طب إخصملك كمان 200 – 300  مليار مليون من المسلمين اللي بيعملوا حاجات مش كويسة

طب اللي بيضطهدوا المرأة، طب اللي بيتحرشوا جنسياً بالناس

اللي بيحتقروا المرأة اللي بيحتقروا الأقليات

اللي بيهجروا اليزيديين والمسيحيين من الموصل واللي بيعملوا ده واللي بيعملوا ده،  لا لا يمثلون الإسلام

هتيجي في الآخر تدور مين اللي بيمثل الإسلام هتلاقيهم 3 – 4 – 5 عايشيين تقريباً في القمر أو المريخ

بس وقت الجد يقولك إحنا مليار ونص مسلم والإسلام ينتشر وأكبر دين ينتشر في العالم

طب ما هو قرر هم يمثلوا الإسلام اللي إنت بتحسبهم دول ولا لا يمثلوا الإسلام ؟

واللي يمثلوا الإسلام عايشيين في أنهي (داهية/حتة=مكان) عنوانهم إيه عشان نكتبلهم رسالة يعني؟

عشان يشرحولنا، عشان نعرف منهم الأمراض دي كلها جات منين

لما كل الأمراض دي كلها لا علاقة لها بالإسلام وكل اللي بيمارسوا الأمراض دي ومصابين بالأمراض دي لا علاقة لهم بالإسلام

الفاشية يعني عصابة، فاكرين لما أنا في الحلقات الاولى من صندوق الإسلام كلمتكوا عن الإسلام والمافيا

وفكرة لما عصابة تستولي على الحكم عصابة تفرض قانون الغاب على العالم، وتعطل القانون الطبيعي ويصير قانونها هو المنطقي

المنطقي هو إنك تقول الإسلام دين رحمة وفي نفس الوقت تقول إن المسلم من حقه إنه يسبي يزيدية أو مسيحية في الحرب

ويغصبها على الجماع معه في نفس الليلة اللي قتل فيها زوجها أو أبوها أو أخواتها

الإسلام دين رحمة ومع ذلك ده موجود

الفاشية هي أن تصطفي نفسك وتقول ان الله إصطفاك من بين البشر كلهم وكلفك أن تسود هؤلاء البشر

وأن تتحكم فيهم بقانونك بدون ما ما ما يرضوا

وإن قمة رحمتك إنك تسيبهم على قيد الحياة يُعطُوا الجِزيَةَ عَن يَدٍ وَهُم صاغِرونَ ﴿٢٩﴾ هي دي الفاشية

الفاشية إن عرش الرحمان يهتز بأعمال جنسية بين البشر عن تراضي بينهم

ولكن لا يهتز عرش الرحمان حين يغتصب المسلم مسيحية أو يزيدية أو غير مؤمنة لو سباها في الحرب

إن الملائكة تبات تبغض المرأة لو لم تسلم نفسها لزوجها حين يرغبها ولكنها لا تنتفض عندما يغتصب المسلم غير المسلمة في الحرب

أن الله يعني يتضايق والملائكة تغضب لو هنَّأ المسلم المسيحي بعيد الميلاد أو بعيد الفصح

لكنها لا تغضب حين يذبح هذا المسلم بشر أبرياء دون ذنب لمجرد أنهم ينتمون للدين الخطأ أو لا يدينون بدين الحق

 الدين اللي ربنا إصطفاه، الدين اللي ربنا كان مدخره عشان يرحم البشرية بيه 1400 سنة إقروا تاريخ الدين ده

يقولك يا عم إزاي تقارن الإسلام بالفاشية؟ والفاشية دي وخاصةً النازية الهتلرية تسببت في موت الملايين من البشر

كام 20 مليون – 30 مليون ماتوا في الحرب العالمية التانية بسبب النازية ؟

طب إقرا تاريخ الإسلام الدموي من مكة إلى الرقة

إقرا تاريخ الفتوحات الإسلامية، إسألوا التاريخ عن خالد إبن الوليد كان بيدبح في الروم وأثرى الروم إزاي؟؟

إسألوا التاريخ عن موسى إبن النصير وسبايا الأمازيغ

إسألوا التاريخ عن عقبة إبن نافع وحمام الدم في شمال أفريقيا

إسألوا التاريخ عن الفتوحات الإسلامية، لما إحنا نفتتح أراضيهم يبقى نصرٌ من الله فتحٌ مبين

ولو هم جم وعملوا نفس الشئ وهم لا سبوا النساء ولا عملونا عبيد ولا أي حاجة

إغتصبوا الأرض وإستعمرونا وده غلط

وجم وعملوا حملات صليبية وجت الكنيسة إعتذرت عن الحملات الصليبية

إحنا بقى إيه ومين شيخ الأزهر ولا شيخ أي طائفة إسلامية جه وإعتذر عن جرائم الإسلام في حق البشرية

مين عمل كده مين إعترف بالخطأ؟؟

لكن نعترف بالخطأ إزاي وربنا دايماً تحت باطنا، نعترف بالخطأ إزاي؟!!

إحنا إحتكرناه، وهو ده أحد مميزات أو صفات الفاشية

الفليسوف الإيطالي الكبير أومبرتو إكو ، وهو كاتب وفليسوف وروائي كبير

كان عمل معالم يعني إيه فاشية من الأصل

أول معلم من معالم الفاشية اللي إتكلم عنه أومبرتو إكو قال: إحتكار الحقيقة أن تعتبر مجموعة من البشر أن الحقيقة ملك لها وحدها

وإن هذه الحقيقة ليست شئ فردي إن أنا أبحث وأدور بنفسي وأجدها وأطور من مفهومي لهذه الحقيقة لأ

الحقيقة عند الفاشيين دائماً شئ ثابت لا تتغير موجودة في كتاب في وحي في لوحٍ محفوظ

وعلى البشر فقط أن يطلعوا على هذه الحقيقة ويعني يطبقوها حرفياً

الفاشية كما يقول أومبرتو إكو هي أن تحقن شعبك بكراهية الآخرين

أن تخلق عدو حقيقي وعدو خيالي وتصب عليهم غضبك ولعنتك

الفاشية يعني الشعور بالنقص، الفاشية يعني العنجهية الكدابة

الغرور بدون داعي وبدون مبررات وبدون أدلة

نحن خير أمةٍ أخرجت للناس ، هو كده – عاجبك عاجبك مش عاجبك إحنا خير أمة أخرجت للناس هو كده، بلطجة

الفاشية هي بلطجة فكرية وعقائدية

إن لامضان عندنا وإنت مسيحي، ماتكلش في رمضان

ليه؟ هو غلاسة كده، هو ربنا حطك تحت وطئتنا مممم، تعمل اللي إحنا عايزينه

أنا أكل وقت ما أحب، وأخلي المآذن بتاعة المساجد بتاعتي تضج نومك وتخليك تقوم الفجر

اااه بمزاجي !!!   إحنا خير أمة أخرجت للأرض.

إنتوا خير أمة أخرجت للأرض؟؟ (ده سؤال إستنكاري)

لأ. خلاص تسمع أذان الفجر وإنت ساكت

أو إسلم بقى !! إحمد ربنا إن إحنا ماعودناش بندفعك الجزية يعني

الفاشية يعني خليط من عقدة النقص والنرجسية والحلم بإنتصارات ماضي ولَّا ولن يعود وكويس إنه ولَّا ولن يعود

الفاشية هي أن تحتقر باقي البشرية وتعتبر نسفهم أو إبادتهم حق شرعي ليك

وإن الله يبتهج من فوق 7 سموات ويصفق لك حين تريق دمائهم

تخيل كده لو أي دين من الأديان شيوخه في قدس الأقداس بتاعهم زي مكة عندنا كده، يقف ويقول اللهم يتم أطفال المسلمين، اللهم جمد الدم في عروقهم، اللهم رمِّل نساءهم، اللهم إنصرنا عليهم نصراً مبيناً، اللهم عليك بالمسلمين والملحدين

فيه حد بيعمل كده في البشرية النهارده غير إحنا؟ فيه حد لسه بيستعمل مصطلح كافر كإدانة ودعوة للقتل غير إحنا ؟؟؟

فيه حد لسه بيحاكم الرأي بإسم الدين إن حد يجلد أو يسجن أو يقتل عشان كلمة قالها ؟؟

هي دي الفاشية هي دي الفاشية حصار من كل النواحي !!

كراهية للآخرين نابعة من مبالغة في تعظيم الذات والنفخة الكدابة

الإحساس بإن الله خلق التاريخ كله وسخره لينا

إنه خلق البشرية كلها وحكمنا من رقابهم – تعمل اللي أنا بأقولك عليه لأن ربنا أوحالي وأنا آخر دين كده كده

يعني شوفتوا العظمة بتاعة الإسلام إن ربنا كان مدخره لأخر الزمان هو الدين اللي هيجييب حقوق الإنسان وهو الدين اللي هيجييب الرفاهية للبشرية هو اللي هيجييب المساواة هو اللي هيجييب الحريات

هو الإسلام اللي جاب ده ؟ لأ، الإعلان العالمي لحقوق الإسلام لحقوق الإنسان، اللي إحنا بنقول عليه الغرب الكافر، هو اللي جابلنا كل الرفاهيات اللي إحنا عايشيين بيها النهارده

عايشيين إحنا على إيه النهارده؟ على تاريخ ولَّا !!

إنت مانتاش عارف المسلمين هم اللي جابوا الحضارة والأندلس كان فيها مش عارف

هنرجع للمواضيع دي كلها هنشوف المسلمين اللي أضاؤا البشرية دول كانوا مين؟!!

هنشوف مين حسن إبن الهيثم وهنشوف مين إبن المقفع والراواندي والرازي

هنلاقيهم كلهم كانوا تقريباً ملحدين بس إحنا بنتمحك فيهم كده وخلاص

زي ما بنتمحك في الشيعة والأحمدية والعلوية والدرزية وقت ما إيه وقت ما نحب نعد المسلمين ونقول إن هم إيه مليار ونص

ونتبرأ منهم لو حد فيهم عمل حاجة تشوه الصورة وتخلي المنظر مش اااا تمام

أنا في الكتاب Islamic Fascism  وفي الحلقات القادمة اللي جاية هابتدي أعمل مقارنة بين الإسلام والفاشية على عدة مستويات

أهمها طبعاً المستوى الأيديولوجي، الأيديولوجية التي تقسم العالم لـ عدو وصديق، مؤمن وكافر

هتلاقيها في الفاشية وهتلاقيها في الإسلام وأنا باقول الإسلام مش الإسلام السياسي ومدرك أنا باقول إيه

الأيديولوجية التي يعني تعتبر نفسها صفوة البشرية، الفاشية كانت بتعتقد هذا الشئ والإسلام كان بيعتبر المسلمين خير أمة أخرجت للناس

معهم مفتاح الحقيقة ومفتاح الخلاص للبشرية

الأيديولوجية التي تحقن أبناءها والمنتمين إليها بالكراهية ضد باقي البشرية

تنظر إليهم من أعلى إلى أسفل، تبرر إبادتهم ونسفهم نسفاً

الأيديولوجية التي تمجد ثقافة الموت ولا تحترم الحياة، موت العدو وموت الصديق

أن الكفاح في الفاشية هو هدف في حد ذاته، وليس وسيلة سياسية لكي يصل إلى هدف سياسي معين

لأ،  الكفاح في حد ذاته في الفاشية هدف، زي ما الجهاد والموت في سيبل الله أسمى أمانينا زي ما الإخوان المسلمين كانوا بيقولوا في شعاراتهم

وده هيكون أحد الأشياء اللي هنبدأ بيهم في النقاش علاقة الإخوان المسلمين بالنازية وبهتلر بالتحديد ونقاط التلاقي في الأيديولوجية وفي التاريخ وفي العمل السياسي وفي الحروب

لأن فيه علاقة كانت غامضة بين الإخوان المسلمين وبين النازية

مش هنقف عند الإخوان لمسلمين هنتطرق لحركات إسلامية أخرى

هنشوف داعش دي جات منين، وأسطورة إن داعش لا علاقة لها بالإسلام، هل هي حقيقة نتركها صامدة ؟

أم أن داعش هي الصورة الأخيرة القبيحة لفكر تعفَّن، فكر عفى عليه الزمن، فكر كان المفروض إنه ينتهي ويندثر في الصحراء من قرون

لكنه عاش ونمى في وسط الصحراء رغم كل الحداثة ورغم كل الأشياء الجديدة التي طرأت على البشرية

وبقى كمرض في قلب البشرية مرض في قلب العالم الإسلامي

مش بس مرض بيدمر مجتمعاتنا، لأ، ده مرض بنصدره دلوقتي لكل دول العالم وبنرعبهم بيه وبنخوفهم بيه

تابعونا على قناة Hamed.tv  على اليوتيوب وعلى صفحة BoxofIslam على الفيسبوك

نراكم في الحلقة القادمة


Download text file

Box of Islam 036

You may also like

ملخص تاريخ الاسلام بداية ونهاية
لم يستجب ياأخوة لمحمد في مكةخلال 13 سنة من الدعوة لم يستجب لدعوته لم [...]
6 views
ندوة للاستاذ حامد عبد الصمد في المغرب بعنوان التنوير فوبيا (الجزء الاول)
احمد عصيد: مساء الخير, يُسعدنا أن يكون معكم في هذا اللقاء الفكري الذي [...]
3 views
مين اللى سرق مصر،الحلقه التاسعة عشر: دور العبادة في مصر
مين اللي سرق مصر مين اللي سرق مصر مين اللي سرق مصر مين اللي سرق مصر [...]
0 views
مين اللى سرق مصر، الحلقة الثامنة عشر: إسلام التصدير وإسلام التكفير
مين اللي سرق مصر مين اللي سرق مصر مين اللي سرق مصر مين اللي سرق مصر [...]
0 views
مين اللى سرق مصر، الحلقة السابعة عشر: الأزهر عامل زي سُوستة
مين اللي سرق مصر مين اللي سرق مصر مين اللي سرق مصر مين اللي سرق مصر [...]
0 views
مين اللى سرق مصر، الحلقة السادسة عشر: مأساة التعليم في مصر
مين اللي سرق مصر مين اللي سرق مصر مين اللي سرق مصر مين اللي سرق مصر [...]
0 views
مين اللى سرق مصر، الحلقة الخامسة عشر: خليك فاكر مصر جميلة
مين اللي سرق مصر مين اللي سرق مصر مين اللي سرق مصر مين اللي سرق مصر [...]
0 views
مين اللى سرق مصر، الحلقة الرابعة عشر: الإعجاز العلمي في البناء المصري الحديث.
انهارده عايز اكلمكم عن موضوع الإعجاز العلمي في البناء المصري طبعًا [...]
0 views
مين اللي سرق مصر، الحلقه الثانية عشر، البرفان والشعب القرفان
مين اللي سرق مصر مين اللي سرق مصر مين اللي سرق مصر مين اللي سرق مصر [...]
2 views
مين اللي سرق مصر، االحلقة الحادية عشر ، أولاد حارتنا
مين اللي سرق مصر مين اللي سرق مصر مين اللي سرق مصر مين اللي سرق مصر [...]
0 views

Page 1 of 13

اترك تعليقاً

لن يتم نشر عنوان بريدك الإلكتروني.