صندوق الاسلام 68 : متناقضات القرآن : آيات القتل في القرآن

أهلًا بيكم في حلقة جديدة من صندوق الإسلام

هانتكلم انهاردة عن آيات السلم والحرب في القرآن

اتكلمنا في الحلقة اللي فاتت عن آيات التسامح والمغفرة وفي مقابلها آيات الكراهية وآيات العنف

هو نفس المبدأ لو هانطبقه هانلاقي دايمًا تعامل القرآن مع آيات السلم والحرب هو نفس الإتجاه

في البداية الإسلام جاي برسالة وماعندوش جيش و10 سنين ، 12 الأولى من الدعوة مافيش جيش

مافيش قدرة على إنك تجبر حد على أي شيء

فا من الطبيعي إن تيجي آيات تقولك

ادْعُ إِلَىٰ سَبِيلِ رَبِّكَ بِالْحِكْمَةِ وَالْمَوْعِظَةِ الْحَسَنَةِ ۖ ( سورة النحل الآية 125 )

فَاصْفَحِ الصَّفْحَ الْجَمِيلَ  ( سورة الحجر الآية 85 )

فَمَن شَاءَ فَلْيُؤْمِن وَمَن شَاءَ فَلْيَكْفُرْ ( سورة الكهف الآية 29 )

أَفَأَنتَ تُكْرِهُ النَّاسَ حَتَّىٰ يَكُونُوا مُؤْمِنِينَ ( أو مسلمين ) ( سورة يونس الآية 99 )

نفس الشيء مع آيات السلم والحرب

طبيعة الحال لما يكون هو مامعهوش جيش إنه مش هايدعوا إلى الحرب يعني

ما هو لو دعى للحرب هو أول واحد هايتأذي فيهم

في إشكالية في آيات السلم والحرب

كذا إشكالية الحقيقة

أول إشكالية هي إشكالية المصطلحات

يعني إحنا انهاردة بنستخدم مصطلحات زي السلام ، حقوق الإنسان مش عارف إيه

كلمة السلام أيام محمد كانت تعني شيء آخر

كلمة السَلم أو السِلم كانت تعني شيء آخر

الحرب ، القتال ، الجهاد

كل دي كان ليها مفهوم في زمنه هو

مانقدرش نقول إن السلام ساعتها زي السلام العالمي انهاردة مثلا

نفس الشيء ينطبق طبعًا على إشكالية ترتيب نزول الآيات

آيات السلم اللي نزلت الأول ولا آيات الحرب اللي نزلت الأول ؟

تالت إشكالية هي إشكالية السياق ؟

يعني لما آية بتقول : وَإِن جَنَحُوا لِلسَّلْمِ فَاجْنَحْ لَهَا ( سورة الأنفال الآية 61 ) إيه سياقها

وهي اللي نزلت الأول ولا الآية التانية اللي بتقول : فَلَا تَهِنُوا وَتَدْعُوا إِلَى السَّلْمِ وَأَنتُمُ الْأَعْلَوْنَ ( سورة محمد الآية 35 )

يعني اوعى تعمل معاهم سلام وانت اللي كسبان في المعركة

يبقى مبدأ السلام في حد ذاته مش هو المبدأ المطلوب مننا يعني

القرآن عامل زي سوبر ماركت هاتلاقي فيه كل بضاعة

هاتلاقي فيه آيات للسلم وآيات للحرب وآيات للمحبة ، آيات للكراهية ، آيات للتسامح ، آيات لطرد الكفار وطرد اليهود

طب إيه المعيار ؟

بس زي ما في كل سوبر ماركت بيكون البضاعة اللي عليها ختم إنتهاء الصلاحية

القرآن زي كده برضة

هتلاقي آيات صلاحيتها انتهت

وهتلاقي آيات تانية جات نسختها لأنها جات فيما بعد

ودا اللي هانشوفه طبعًا واحنا بنتكلم عن آيات السلم والحرب

حاجة الحقيقة غريبة جدًا إن ربنا في آخر كتاب له بيعمل زي ناموس بقى للبشرية اللي هما هايمشوا عليه

 مش هايتكلم بعد كده ، مش هاينزل كتب مقدسة

فاينزلك كذا آيات كده متناقضات كده ويروح ملعبكهملك ( مخلبط )  في بعض بحيث إنت ماتعرفش هو الراجل عايز إيه بالظبط

ويترتب على الآيات دي حملات وغزوات وحروب بنسميها فتوحات من ساعة محمد لحد الدولة العثمانية

لحد داعش وهما ماشيين على نفس النمط

ربنا قال اعملوا في الكفار كذا ، اعملوا في اليهود كذا ، اعملوا في المسيحين كذا ، اعملوا في المنافقين كذا

فا يعني إيه الحكمة يعني  إن يسب الكتاب كده  ويقولك أصل دي مسألة تأويل وتفسير

طيب هو يسيب الموضوع للتفسير والتأويل كده لملايين البشر يتقتله وهو يجازف بالموضوع دا

إيه الحكمة وراء كده بقى ؟

هايقولك لحكمة لا يعلمها إلا الله

هاتخد أول مبدأ في القرآن اللي الجماعة الحلوين بقى لما يجيوا يكلموك عن التسامح والسلام في القرآن

يقولك موقف القرآن في القتل واضح

واضح إزاي يا عم الحج

هايقولك اقرأ معايا الآية بتاعة سورة الأنعام اللي بيقول فيها إيه

قُلْ تَعَالَوْا أَتْلُ مَا حَرَّمَ رَبُّكُمْ عَلَيْكُمْ ۖ أَلَّا تُشْرِكُوا بِهِ شَيْئًا ۖ وَبِالْوَالِدَيْنِ إِحْسَانًا ۖ وَلَا تَقْتُلُوا أَوْلَادَكُم مِّنْ إِمْلَاقٍ ۖ نَّحْنُ نَرْزُقُكُمْ وَإِيَّاهُمْ ۖ وَلَا تَقْرَبُوا الْفَوَاحِشَ مَا ظَهَرَ مِنْهَا وَمَا بَطَنَ ۖ وَلَا تَقْتُلُوا النَّفْسَ الَّتِي حَرَّمَ اللَّهُ إِلَّا بِالْحَقِّ ۚ ذَٰلِكُمْ وَصَّاكُم بِهِ لَعَلَّكُمْ تَعْقِلُونَ   ( سورة الأنعام الآية 151 )

وَلَا تَقْتُلُوا النَّفْسَ الَّتِي حَرَّمَ اللَّهُ إِلَّا بِالْحَقِّ

على فكرة الآية دي مقصوصة كده من الوصايا العشر

هو محمد كان بياخد وصايا اليهود ويوزعهم على القرآن كأن القرآن هو اللي جاء بيهم

هاتلاقي أول حاجة لا تتخذ آلهة جمب الله وهاتلاقي لا تقتل ، هتلاقي لا تزن

هو خدهم بس وزعهم على القرآن

ماحطمهش العشرة ورا بعض علشان يبدوا وكأنه إن هو اللي جاي بيهم كأول واحد يعني

بس نرجع لمبدأ في الوصايا العشر بتوع اليهود هتلاقي لا تقتل نقطة

مافتحلكش أي باب تاني إن انت تلتف على المبدأ دا

القتل حرام نقطة ، بس

لكن القرآن يقولك إيه : وَلَا تَقْتُلُوا النَّفْسَ الَّتِي حَرَّمَ اللَّهُ إِلَّا بِالْحَقِّ

طب الحق دا بقى يطلع مين ؟

حاجة كده مطاطية أي حد على مزاجة هايقتل بالحق هتلاقي داعش دلوقتي تقولك آه بالحق معناها كذا كذا كذا

عن فلان بن فلان بن فلان بن فلان قال رسول الله صلى الله عليه وسلم

ويجيبلك أي حاجة

هتلاقي اللي بياخدوا الطار في الصعيد هايقولك أنا بقتل بالحق لأن الدولة مأخدش حقي وماقتصتش من اللي قتل ابني فا أنا لازم اقتله بإيدي

دا بالحق

فا فتح مجال للتفسير بالحق دي

اقتل ، خد راحتك خالص واتشعبط في إلا بالحق دي

حاجات ، دي آية حياة أو موت

المفروض تقول الحق دا 1،2،3،4،5

وبالتفصيل الممل ، ماتقولش الذين يفسدون في الأرض

ما هو برضو مش هاتعرف تجبلها يعني إيه فساد في الأرض

ما هو يعني لو واحد باس (   ( kissواحد في الشارع يبقى دا يفسد في الأرض ؟

لو واحد ترك الصلاة

آه المفسرين بعد كده جم وعملوا بقى إلا بالحق دي طلعوا بلاوي منها إيه بقى

مطوها ، وطلعوا منها كل الإستثناءات اللي انت ممكن تتخيلها بحيث إن القتل دا يطلع شيء طبيعي جدًا

آية تانية من الآيات اللي هي المفروض إنها هي بتحرم القتل

يستشهد بيها دايمًا في الحوارات ، اللقاءات الجميلة بتاعة حوارت الاديان دي

اللي أنا بسميها سبوبة حوارات الثقافات أو حوار الاديان

يجي واحد شيخ كده قاعد في غرفة مكيفة كده في أوروبا ويقولك القرآن موقفه من القتل واضح

وفي سورة المائدة في آية ويروح إيه قاريها من النص

لا يجيب أولها ولا يجيب اللي  بعديها

فا الآية بتقول إيه : مَن قَتَلَ نَفْسًا بِغَيْرِ نَفْسٍ أَوْ فَسَادٍ فِي الْأَرْضِ فَكَأَنَّمَا قَتَلَ النَّاسَ جَمِيعًا وَمَنْ أَحْيَاهَا فَكَأَنَّمَا أَحْيَا النَّاسَ جَمِيعًا ۚ

ويروح ساكت

وكأن هو دا موقف القرآن فعلًا من القتل

برضو الآية دي مقصوصة من النص

متاخدة بالحرف من التلمود

لو انتوا شوفتوا فيلم قائمة شنجلر اللي بيتكلم عن الراجل صاحب المصنع الألماني اللي كان اشترى يهود من النازيين عشان يهربهم عشان مايتقتلوش

ادوله خاتم هدية بعد ما أنقذهم

مكتوب عليه الآية دي بالظبط

بالظبط دي من التلمود

من أحياها فكأنما أحيا الناس جميعًا

ليه لأنها موجودة في التلمود بنفس النص كده

وبرضو هي هي متاخدة من الوصية التانية أعتقد من الوصايا العشر اللي هو بيقول لا تقتل

هي تفسيرها كده انه بيقول إن من قتل نفس بغير نفس فكأنما قتل الناس جميعًا ومن أحياها فكأنما أحيا الناس جميعًا

يعني هو واخدها من اليهود

والدليل إنك لو قريت الآيات اللي قبليها هاتعرف إن دا مش وصية إسلامية خالص

وإن موقف الإسلام من القتل جاي في الآية اللي بعديها

احنا بنتكلم في المائدة 32

موقف الإسلام من القتل في المائدة 33

بس تعالى اقرأ الآيات اللي قبل فكأنما أحيا الناس جميعًا

القرآن بيحكي قصة أولاد آدم

قابيل وهابيل و بيحكي القصة بقى بعد ما قتل أخوه

عايز يدفنه مش عارف يعمل إيه

فا جه غراب نقر في الأرض وراله إزاي يحفر في الأرض

فا بتقول الآيات إيه قبليها بقى

فَبَعَثَ اللَّهُ غُرَابًا يَبْحَثُ فِي الْأَرْضِ لِيُرِيَهُ كَيْفَ يُوَارِي سَوْءَةَ أَخِيهِ ۚ قَالَ يَا وَيْلَتَا أَعَجَزْتُ أَنْ أَكُونَ مِثْلَ هَٰذَا الْغُرَابِ فَأُوَارِيَ سَوْءَةَ أَخِي ۖ فَأَصْبَحَ مِنَ النَّادِمِينَ مِنْ أَجْلِ ذَٰلِكَ كَتَبْنَا عَلَىٰ بَنِي إِسْرَائِيلَ أَنَّهُ مَن قَتَلَ نَفْسًا بِغَيْرِ نَفْسٍ أَوْ فَسَادٍ فِي الْأَرْضِ فَكَأَنَّمَا قَتَلَ النَّاسَ جَمِيعًا وَمَنْ أَحْيَاهَا فَكَأَنَّمَا أَحْيَا النَّاسَ جَمِيعًا ( سورة المائدة الآيات 31- 32 )

مِنْ أَجْلِ ذَٰلِكَ كَتَبْنَا عَلَىٰ بَنِي إِسْرَائِيلَ

ماقالش كتبت عليك يا محمد أو كتبنا على المسلمين

بني إسرائيل

دي آيه لها علاقة ببني إسرائيل

طيب موقف الإسلام من القتل إيه بقى

خد الآية اللي بعدها على طول المائدة 33 مباشرًا

إِنَّمَا جَزَاءُ الَّذِينَ يُحَارِبُونَ اللَّهَ وَرَسُولَهُ وَيَسْعَوْنَ فِي الْأَرْضِ فَسَادًا أَن يُقَتَّلُوا أَوْ يُصَلَّبُوا أَوْ تُقَطَّعَ أَيْدِيهِمْ وَأَرْجُلُهُم مِّنْ خِلَافٍ أَوْ يُنفَوْا مِنَ الْأَرْضِ ۚ ذَٰلِكَ لَهُمْ خِزْيٌ فِي الدُّنْيَا ۖ وَلَهُمْ فِي الْآخِرَةِ عَذَابٌ عَظِيمٌ ( سورة المائدة الآية 33 )

دا موقف الإسلام ، القرآن من القتل

وبرضو مطاطي

يعني إيه يحاربون الله ورسوله

الله أنا هاجيبه احاربه إزاي ؟

أحارب الله إزاي ؟

يعني إيه المنطق

فتح المجال طبعًا للمفسرين ومدارس الفقه إنها تتوسع

لدرجة إنها مش يحارب الله ورسوله ، إنه يعمل حرب ويقتل ، لأ

إنه هو يعني يشاقق الله ورسوله ، إن هو يعمل ضد إرادة الله ورسوله

إيه بقى إرادة الله ورسوله ؟

هاتلاقي مليون حاجة هايطلعوهالك

يعني مدراس الفقة قالت إن أحد التفسيرات قالت إن تارك الصلاة يدخل تحت البند دا

ليه ؟ لأنه بيحارب الله ورسوله

مابيقيمش شعائره

هاتلاقي إن واحد مسلم حب يسافر برة ويدعو إلى الإسلام ويعلم الناس تعاليم الإسلام عشان يدخلوا الإسلام

لو حد منعه يبقى بيحارب الله ورسوله

لانه يحول دون رسالة الله أن تصل إلى البشر وطبعًا دا الهدف إن رسالة الله تصل إلى البشر

طبعًا حد الحرابة لو إنت بقى خدت أسباب النزول وروحت للمفسرين هايجبلك واقعة معينة ليه الآية دي نزلت

ناس اسمهم العرانيين أو من قبيلة عرين ها

جم أعلنوا إسلامهم عند محمد ومش عارف إيه

هو طبعًا العالم خايفه ، مرعوبة منه

اللي مابيسلمش ويدفع الضرايب والزكاة بيتنسف

فا في وقت الناس عايزه تتقي شره فا جم الناس قالوا آه جم الناس قالوا كذا كذا وعايزين ياخدوا حقوقهم منه فا عملوا إزاي ؟

عملوا نفسهم كأنهم مسلمين وبعدين راحوا قاتلين الراجل الحارس وواخدين الإبل وراحوا ماشين

هو بيعمل نفس الاسلوب

ما هو بيروح يغير ويعمل الحركات دي

ماحدش أقام عليه الحد

المفروض حد لو حد الحرابة كان يقام كان يقام عليه لما كان يقطع طرق ويعترض  القوافل

ما هو دا يتقام عليه حد الحرابة

 حد الحرابة دا أصله اللي هو تقطيع الأيدي والأرجل من خلاف وتثميل العيون والحاجات الفظيعة دي

السعاليق اللي كانوا بيعملوه لما كانوا بيسرقوا مع بعض ويختلفوا على السرقة وحد يسرقهم يمشي

فا يروحوا مطبقين عليه حد الحرابة

يجيبوه ويعلموا عليه ، يقطعوا إيده أو رجله أو يخزقوله عنيه

فا محمد عمل مع العرانيين دول نفس الحكاية زي ما المفسرين بيفسروا الآية بتاعة الحرابة دي

إنه جابهم قطع ايديهم وارجلهم من خلاف

شوههم يعني

وبعدين ربطهم في الحر من غير مايه

سابهم يعني يموتوا ببطئ وإيدهم مقطوعة

مش بس كده

يقولك وثمل اعينهم

ثمل اعينهم يعني بمسمار كده مولع محمي حطه على عينيهم فا يتعموا

شوفتوا بقى رحمة للعالمين إزاي ؟

متكتفين وإيدهم ورجليهم متقطعين ، يمنع عنهم المايه لحد ما يموتوا و مش بس كده لأ الساعات الباقية من حياتهم يعميهم بمسمار محمي علشان …..

شغل العصابات بقى ، شغل السعاليق بالظبط

ما هو السعاليق في الوقت دا كانوا حبايبوا وكانوا هما اللي بيساعدوه في الغزوات بتعته

فا أدي ومن قتلها فكأنما قتل الناس جميعًا

شوف بقى كام واحد اتقتلوا

شوف النضر بن الحارس اتقتل ليه

مش إنت بتقول موقف الإسلام من القتل

النضر بن الحارس اتقتل ليه ؟ عمل إيه ؟ هل قتل حد من المسلمين ؟

أبدًا

كل اللي حصل إنه سأل محمد 3 اسئلة عجزوه

مين ذو القرنين ؟ اصحاب الكهف كانوا كام واحد ؟ وما هي الروح ؟

اسئلة في الحوارات انهاردة أي حد يسألها

يقعدوا عادي بإرياحية

بس عشان عجزه وعشان وعده إنه هايجبله الإجابة بكرة وماجبهاش وجاله بعد اسبوعين يحكي في أي كلام

قاله اصحاب الكهف كام ؟

قاله يقولون 5 وسادسهم

أنا بقولك إنت رايح تجيب الآية من ربنا

ربنا بيقولك واللهي يعني أنا سمعت يعني كلام والله اعلم إنهم 5 أو 6

مش ربنا هايقولك 5 ، 6 ، 7 ،8 مش ليهم عدد معين الجماعة دول

وبعدين كانت قصة طبعًا خيالية عملها يعقوب السروجي

معروفة القصة إن هو يعني مش حدث تاريخي يعني إنما قصة رمزية

الإسكندر برضو اداله لفه كده

وجاب قصة سيريانية وتغرب في عين حمئه وقالهم أتوني زُبر الحديد  وهابنيلكوا سد

برضو ما دالوش جواب وافي عن الإسكندر أو عن ذو القرنين زي ما بيسموه

والسؤال المهم جدا ما هي الروح ؟

وَيَسْأَلُونَكَ عَنِ الرُّوحِ ۖ قُلِ الرُّوحُ مِنْ أَمْرِ رَبِّي وَمَا أُوتِيتُم مِّنَ الْعِلْمِ إِلَّا قَلِيلًا ( سورة الإسراء الآية 85 )

يعني مافيش إجابة

الروح دي حاجة من عند ربنا ، الله أعلم

هي دي إجابة ؟

مش المفروض تقول الروح هي كذا كذا كذا وسرها كذا وبتدخل بدن الإنسان كذا وبتخرج وقت الممات عن طريق كذا ؟

لأ

فالراجل النضر بن الحارس سأله 3 اسئلة مشروعة

عايز يطمئن علشان لو يؤمن بيه

مش المفروض عشان أؤمن بحد لازم الأول اسأله شوية اسئلة اتأكد من نبوته ، من صدقه ، من معرفته ، إنه فعلاً عنده مصدر مقدس بيديله معلومات

لأ عجزه فا لما اصطاده في بدر اطلق سراح كل الأسرى ماعدا هو وصديقه قطع راسهم بس

طب فين الحق في قطع راس النضر بن الحارس ؟

فين الحق في قتل ابن خطل الشاعر ؟

مجرد إنه قال الشعر بيهجوا فيه محمد

وليه جاريتين مالهمش أي ذنب

يعني حكمهم حكم سيدهم عليهم

قالهم غنوا الشعر بتاعي اللي بشتم فيه محمد

خد واحدة فيهم يوم فتح مكة دبحها

فين الحق  ؟

إنت عمال تحكي في سيرتك ، في السيرة وكعب بن الأشرف اتقتل وام قرفة قطعوها نصين بالحصنة ، حصان راح كده وحصان راح كده

أو جمل راح كده وجمل راح كده وقطعوها نصين عشان كانت بتشتم محمد

انت اللي عمال تحكي الحاجات دي في تراثك وفي سيرك وأحاديثك وبعدين تقول دا القرآن موقفه من القتل واضح

ۖ وَلَا تَقْتُلُوا النَّفْس الَّتِي حَرَّمَ اللَّهُ إِلَّا بِالْحَقِّ

طب ماهو لما كل دا حق ؟ تبقى مصيبة

إنك تدي الحق إن أي حد يقتل عشان شتم النبي ولا قال كلام مش مظبوط

عشان ترك الصلاة

طبعًا هانرجع لو خدنا بالترتيب الآيات نزلت إزاي وبتتكلم عن التسامح وعن السلام إزاي

هتلاقي إن في الأول راجل هادئ كده

راجل مش عنيف

وَمَنْ أَحْسَنُ قَوْلًا مِّمَّن دَعَا إِلَى اللَّهِ وَعَمِلَ صَالِحًا وَقَالَ إِنَّنِي مِنَ الْمُسْلِمِينَ وَلَا تَسْتَوِي الْحَسَنَةُ وَلَا السَّيِّئَةُ ۚ ادْفَعْ بِالَّتِي هِيَ أَحْسَنُ فَإِذَا الَّذِي بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ وَمَا يُلَقَّاهَا إِلَّا الَّذِينَ صَبَرُوا وَمَا يُلَقَّاهَا إِلَّا ذُو حَظٍّ عَظِيمٍ ( سورة فصلت الآيات 33-34-35 )

يعني إنت لو في بينك وبين حد عداوة ابدأ بالحسنة

وهاتبص تلاقيه بقى ولي حميم هتلاقيه بقى حبيبك

شوف الجمال في البداية كده وبتاع

ليه ؟ مش في إيده حاجة

هو لو في إيده سيف ماكنش الكلام دا كله

يعني هو في حديث بيقول يا معشر قريش ، وكان بيعملهم كده ، لقد جئناكم بالذبح

بس هو ماعهوش حاجة

لو كان معاه سيف في الوقت دا كان دبح

ولما بقى عنده سيف دبح

لكن هو ماعندوش لسة ( سيف ) ، بيتكلم بالحنية

برضو نفس الإتجاه في سورة الحجر

وَمَا خَلَقْنَا السَّمَاوَاتِ وَالْأَرْضَ وَمَا بَيْنَهُمَا إِلَّا بِالْحَقِّ ۗ وَإِنَّ السَّاعَةَ لَآتِيَةٌ ۖ فَاصْفَحِ الصَّفْحَ الْجَمِيلَ ( سورة الحجر الآية 15 )

سامحهم

برضو احنا بنتكلم في آيات مكية كل ده

تأكد دايمًا إن لما يكون في آيات فيها صفح وعفو هتلاقيها دايمًا مكية

فاصفح الصفح الجميل

سامحهم ، قال يعني هما تحت إيده وتحت رحمته وبيقولوا والنبي يا محمد احنا مش قادرين ، سيبنا مش قادرين ناخد نفسنا ، دا احنا عندنا عيال الله يخليك

فهو بعدين قالهم آه طب روحوا روحوا

لأ ، هو أصفح الصفح الجميل نفس المبدأ بتاع شلوه من فوقي لاموته

هما كابسين على نفسه ، مش قادر يتحرك ، متكتف

شلوه من فوقي لاموته بالظبط هو دا

فاصفح الصفح الجميل

الصفح والمغفرة تكون عند اقتدار

هايقولك طب ما لما دخل مكة كان معاه 10 آلاف مقاتل

عشان بتيجي كتير الحكاية دي

وبعدين قالهم اذهبوا فأنتم الطلقاء

حديث اذهبوا فأنتم الطلقاء ضعيف ودوروا عليه

مافيش حاجة اسمها اذهبوا فأنتم الطلقاء

هاتقول ماقتلهمش

هاقولك لأ قتلهم

قتل اللي رفض عودته إلى مكة

ماقتلش مين بقى ؟ ماقتلش اللي جم وبقوا جزء من الحلف( التحالف )   بتاعه

ماقتلش أبو سفيان طبعًا

وماقتلش عمرو بن العاص

اللي هو عايزهم بعد كده عشان هايحاربوا معاه

عايزهم يكونوا جزء من جيشه

فا قتل مين بقى ؟

قتل ابن خطل الشاعر ، قتل جاريات ابن خطل

قتل …….، متعلقين بأستار الكعبة بس من يرفضه اتقتل

فا ماتقوليش إنه جه وعفى عنهم وقال اذهبوا فأنتم الطلقاء

لأ هو عارف إنه عايزهم عشان يكونوا جزء من الحلف بتاعه

عشان كده قال من دخل بيت أبي سفيان فهو آمن

في الحلقة اللي جاية هناخد بقى الآيات اللي هي بتاعة الحرب

بدأت من امتى ؟ بعد ما هاجر بقى نسي بقى اصفحوا الصفح الجميل

ونسي حكاية ادعو إلى سبيل ربك بالحكمة والموعظة الحسنة من أول ما راح المدينة الموعظة الحسنة اختفت

كان يعمل كده يروح شادد السيف بتاعه

هااا هاتيجي ولا

حطلهم خيارات والسيف مفرود وماكنش في تفاوضات بقى ولا موعظة حسنة

نراكم في الحلقة القادمة ونتكلم عن آيات القتال بدايتها إزاي وتطورتها إزاي

نراكم في الحلقة القادمة

تابعونا على Hamed.TV على الYoutube

وعلى الFacebook

Box of Islam


Download text file

Box of Islam 068

You may also like

ملخص تاريخ الاسلام بداية ونهاية
لم يستجب ياأخوة لمحمد في مكةخلال 13 سنة من الدعوة لم يستجب لدعوته لم [...]
6 views
ندوة للاستاذ حامد عبد الصمد في المغرب بعنوان التنوير فوبيا (الجزء الاول)
احمد عصيد: مساء الخير, يُسعدنا أن يكون معكم في هذا اللقاء الفكري الذي [...]
3 views
مين اللى سرق مصر،الحلقه التاسعة عشر: دور العبادة في مصر
مين اللي سرق مصر مين اللي سرق مصر مين اللي سرق مصر مين اللي سرق مصر [...]
0 views
مين اللى سرق مصر، الحلقة الثامنة عشر: إسلام التصدير وإسلام التكفير
مين اللي سرق مصر مين اللي سرق مصر مين اللي سرق مصر مين اللي سرق مصر [...]
0 views
مين اللى سرق مصر، الحلقة السابعة عشر: الأزهر عامل زي سُوستة
مين اللي سرق مصر مين اللي سرق مصر مين اللي سرق مصر مين اللي سرق مصر [...]
0 views
مين اللى سرق مصر، الحلقة السادسة عشر: مأساة التعليم في مصر
مين اللي سرق مصر مين اللي سرق مصر مين اللي سرق مصر مين اللي سرق مصر [...]
0 views
مين اللى سرق مصر، الحلقة الخامسة عشر: خليك فاكر مصر جميلة
مين اللي سرق مصر مين اللي سرق مصر مين اللي سرق مصر مين اللي سرق مصر [...]
0 views
مين اللى سرق مصر، الحلقة الرابعة عشر: الإعجاز العلمي في البناء المصري الحديث.
انهارده عايز اكلمكم عن موضوع الإعجاز العلمي في البناء المصري طبعًا [...]
0 views
مين اللي سرق مصر، الحلقه الثانية عشر، البرفان والشعب القرفان
مين اللي سرق مصر مين اللي سرق مصر مين اللي سرق مصر مين اللي سرق مصر [...]
2 views
مين اللي سرق مصر، االحلقة الحادية عشر ، أولاد حارتنا
مين اللي سرق مصر مين اللي سرق مصر مين اللي سرق مصر مين اللي سرق مصر [...]
0 views

Page 1 of 13

اترك تعليقاً

لن يتم نشر عنوان بريدك الإلكتروني.