صندوق الاسلام 70 : متناقضات القرآن : تحليل سورة التوبة

أهلاً بيكم في حلقة جديدة من صندوق الإسلام

عايزين انهاردة نتكلم عن سورة التوبة

احنا دايمًا لما بيجي يوم الجمعة نقرأ سورة الكهف

لما يكون عايزين قضاء حاجة معينة نقرأ سورة يس نستبرك بيها

لكن ليه ماحدش يجي يوم الجمعة كده ويقرأ سورة التوبة و هي آخر سورة نزلت في القرآن

المفروض دي يعني تكون اللي فيها العصارة بتاعة هذه الدعوة

خلاص مش هاينزل قرآن تاني

يعني حسب صحيح البخاري دي آخر سورة نزلت

في بعض الأقوال التانية لأ إن دي سورة الفتح

إِذَا جَاءَ نَصْرُ اللَّهِ وَالْفَتْحُ وَرَأَيْتَ النَّاسَ يَدْخُلُونَ فِي دِينِ اللَّهِ أَفْوَاجًا فَسَبِّحْ بِحَمْدِ رَبِّكَ وَاسْتَغْفِرْهُ ۚ إِنَّهُ كَانَ تَوَّابًا ( سورة النصر )

بس دي بسيطة مافيهاش أي تعاليم يعني

بس سورة التوبة أو براءة

آخر سورة نزلت كا كاملة كده وموضوعها واحد وماشية إيه متكاملة

غير السور التانية

يعني السور التانية هاتبوص تلاقي فيها حاجة من الشرق وحاجة من الغرب وقصة من هنا وآية من هنا

لأ دي التوبة من أول ما بدأت كده وهي واخدة اتجاه معين

مش المفروض إن آخر سورة نازلة في القرآن يتجمع فيها التعاليم ،تلخيص الإبريز بقى أو تخليص الإبريز في تخليص القرآن الكريم

سمعتوا بقى آيات بتقول : وَإِن جَنَحُوا لِلسَّلْمِ فَاجْنَحْ لَهَا ( سورة الأنفال الآية 61 )

وآيات تانية بتقولك : فَلَا تَهِنُوا وَتَدْعُوا إِلَى السَّلْمِ ( سورة محمد الآية 35 )

وآيات تقول : فَاصْفَحِ الصَّفْحَ الْجَمِيلَ ( سورة الحجر الآية 85 )

وآيات تانية تقول : اقتلوهم

يعني المفروض آخر سورة في القرآن تفض الإشتباك دا وتقول عصارة الدعوة المحمدية الإسلامية القرآنية هي 1-2-3-4-5-6 صح ؟

آخر حاجة بقى المنيفستوا زي ما بيقولوا اللي بيشرح للمسلمين أولًا إيه القواعد اللي هايمشوا عليها في الحياة

ثانيًا يتعاملوا إزاي مع المشركين ، مع اليهود ، مع المسيحين

فا جات سورة التوبة

سورة التوبة بتدأ بكلمة : بَرَاءَةٌ مِّنَ اللَّهِ وَرَسُولِهِ إِلَى الَّذِينَ عَاهَدتُّم مِّنَ الْمُشْرِكِينَ ( سورة التوبة الآية 1 )

دي أول آية

يعني إنتوا عملتوا معاهم عهود ، مافيش عهود

براءة

ابن تيمية لما جه عمل مبدأ الولاء والبراء عمله على أساس سورة براءة

شاف السورة دي تبرءت من مين وقال دول مالناش علاقة بيهم

والولاء لمين والبراء من مين ؟

فا تعالوا ناخدهم ورا بعض كده نشوف سورة التوبة بتبدء إزاي

بَرَاءَةٌ مِّنَ اللَّهِ وَرَسُولِهِ إِلَى الَّذِينَ عَاهَدتُّم مِّنَ الْمُشْرِكِينَ فَسِيحُوا فِي الْأَرْضِ أَرْبَعَةَ أَشْهُرٍ وَاعْلَمُوا أَنَّكُمْ غَيْرُ مُعْجِزِي اللَّهِ ۙ وَأَنَّ اللَّهَ مُخْزِي الْكَافِرِينَ وَأَذَانٌ مِّنَ اللَّهِ وَرَسُولِهِ إِلَى النَّاسِ يَوْمَ الْحَجِّ الْأَكْبَرِ أَنَّ اللَّهَ بَرِيءٌ مِّنَ الْمُشْرِكِينَ ۙ وَرَسُولُهُ ۚ فَإِن تُبْتُمْ فَهُوَ خَيْرٌ لَّكُمْ ۖ وَإِن تَوَلَّيْتُمْ فَاعْلَمُوا أَنَّكُمْ غَيْرُ مُعْجِزِي اللَّهِ ۗ وَبَشِّرِ الَّذِينَ كَفَرُوا بِعَذَابٍ أَلِيمٍ إِلَّا الَّذِينَ عَاهَدتُّم مِّنَ الْمُشْرِكِينَ ثُمَّ لَمْ يَنقُصُوكُمْ شَيْئًا وَلَمْ يُظَاهِرُوا عَلَيْكُمْ أَحَدًا فَأَتِمُّوا إِلَيْهِمْ عَهْدَهُمْ( 4 شهور بس يعني ) إِلَىٰ مُدَّتِهِمْ ۚ إِنَّ اللَّهَ يُحِبُّ الْمُتَّقِينَ ( سورة التوبة الآيات 1-2-3-4 )

طب اللي احنا عاهدناهم دول

يعني قالك كل التانيين مافيش بينهم وبينكم عهود إلا مجموعة معينة إنتوا عاهدتوهم عند المسجد

أتموا العدة بتاعهم يعني إيه 4 شهور يخلصوا وبعدين نعمل فيهم إيه

اللي احنا لسة معاهدينهم ، اللي مانقدوش العهد نعمل فيهم إيه اللي مانقدوش العهد ؟

قالك : فَإِذَا انسَلَخَ الْأَشْهُرُ الْحُرُمُ فَاقْتُلُوا الْمُشْرِكِينَ حَيْثُ وَجَدتُّمُوهُمْ

الآية 5 من سورة التوبة اللي هي نسخت كل آيات السلم كما يرى الطبري والقرطبي وابن كثير والجلالين والبغوي و و و إلى آخره

الآية دي الآية 5 اللي بيسموها آية السيف نسخت كل الآيات الجميلة بتاعة إن جنحوا للسلم ولا تعتدوا والكلام دا كله

فَإِذَا انسَلَخَ الْأَشْهُرُ الْحُرُمُ فَاقْتُلُوا الْمُشْرِكِينَ حَيْثُ وَجَدتُّمُوهُمْ وَخُذُوهُمْ وَاحْصُرُوهُمْ وَاقْعُدُوا لَهُمْ كُلَّ مَرْصَدٍ ( حاصروهم واقطعوا عليهم الطريق ) ۚ فَإِن تَابُوا وَأَقَامُوا الصَّلَاةَ وَآتَوُا الزَّكَاةَ ( لو أسلموا ، دا الشرط الوحيد إن إنتوا تسيبهم ) فَخَلُّوا سَبِيلَهُمْ ۚ إِنَّ اللَّهَ غَفُورٌ رَّحِيمٌ ( سورة التوبة الآية 5 )

يعني من أسوء الآيات اللي ممكن تتخيلها بس في الآخر لازم إن الله غفور رحيم

طيب دا يعني آخر حاجة نزلت من القرآن

مافيش حاجة نزلت بعد كده عشان تصلح الموضوع دا

إن الكفار حتى اللي بينكم وبينهم سلام ، هدنة

مافيش سلام

ما هو دا يوريك بقى ، الإسلام مافيهوش سلام عام أو سلام كامل

السلام من منظور إسلامي هو أن تكون الدولة تحت سيطرة الإسلام

أن يكون الحكم في يد مسلم

دي إسمها دار السلام ، دار الإسلام

في دار تانية اسمها دار حرب وهي أي مكان غير مسلم

يعني هو مشروع فتوحات إسلامية ، دار حرب

في دار عقد دا مؤقت بقى يعني إيه ؟

احنا عايزين نحارب المغول وفي صليبين ممكن يتعاونوا

آه اعمل معاهم معاهدة واقاتل المغول واكسبهم

بس بعد كده أنا مطالب كمسلم إن ارجع أنا واخواتي المسلمين نقاتل الصليبيين تاني

مش إن هو خلاص عشان ساعدونا مرة

لأ الحرب خدعة ودا خيار استرتيجي

السلام خيار استراتيجي هو بالظبط كده

لما يكون السلام هاينفعنا في حاجة اعمل معاهدة سلام

لكن إن السلام يكون هو اللي هايسود العالم وإن مايكونش في حرب بعد كده

طب امال ناكل منين ؟

على رأي الشيخ الحويني هو احنا افتقرنا غير من ساعة ما بطلنا غزوات وجهاد

اقتصادنا كان قايم على بيع البشر

على غنائم الحرب

أنا عايز كل واحد يجيب سورة التوبة دي ويقراها لأن على فكرة ماحدش ركز عليها كتير يعني

اقراها من أولها لآخرها كده هتلاقي عصارة الكراهية المقدسة موجودة في السورة دي

هتلاقيها ال manual أو كتاب الإرشادات اللي داعش ماشية عليه بالظبط

عشان أي حد يقولك داعش لا علاقة لها بالإسلام قولة أنت قريت سورة التوبة

أو روح انت اقراها بنفسك وركز في الآيات كده بترتيبها

أَلَا تُقَاتِلُونَ قَوْمًا نَّكَثُوا أَيْمَانَهُمْ وَهَمُّوا بِإِخْرَاجِ ( يعني مش أخرجوه حتى ، هموا بإخراج الرسول ) الرَّسُولِ وَهُم بَدَءُوكُمْ أَوَّلَ مَرَّةٍ ۚ أَتَخْشَوْنَهُمْ ۚ فَاللَّهُ أَحَقُّ أَن تَخْشَوْهُ إِن كُنتُم مُّؤْمِنِينَ قَاتِلُوهُمْ يُعَذِّبْهُمُ اللَّهُ بِأَيْدِيكُمْ وَيُخْزِهِمْ وَيَنصُرْكُمْ عَلَيْهِمْ وَيَشْفِ صُدُورَ قَوْمٍ مُّؤْمِنِينَ ( سورة التوبة الآيات 13- 14 )

شفا الصدور بالقتل

لما تتفرج على فيديوهات الناس بتوع داعش وهما بيبتسموا وبيقولك إيه الجهاد يزيل الهم والغم

في حديث بهذا المعنى بس هما واخدينها من الآية دي

قَاتِلُوهُمْ يُعَذِّبْهُمُ اللَّهُ بِأَيْدِيكُمْ وَيُخْزِهِمْ وَيَنصُرْكُمْ عَلَيْهِمْ وَيَشْفِ صُدُورَ قَوْمٍ مُّؤْمِنِينَ

شفا الصدور يعني الإرتياح النفسي مع القتل

مع تعذيب اللي مش مؤمنين برسالة محمد

وَيُذْهِبْ غَيْظَ قُلُوبِهِمْ ۗ وَيَتُوبُ اللَّهُ عَلَىٰ مَن يَشَاءُ ( سورة التوبة الآية 15 )

هايريحهم نفسيًا ، علاج من الإكتئاب

يعني كان دايمًا يقولك لو إنت مكتئب جاهد في سبيل الله لتذهب الغمة

بقى علاج للإكتئاب الحرب

بعد كده بشوية يقولك : يَا أَيُّهَا الَّذِينَ آمَنُوا لَا تَتَّخِذُوا آبَاءَكُمْ وَإِخْوَانَكُمْ أَوْلِيَاءَ إِنِ اسْتَحَبُّوا الْكُفْرَ عَلَى الْإِيمَانِ ۚ وَمَن يَتَوَلَّهُم مِّنكُمْ فَأُولَٰئِكَ هُمُ الظَّالِمُونَ ( سورة التوبة الآية 23 )

طيب أنا ابويا ما آمنش بمحمد بس ابويا وأمي

ماأذونيش في حاجة

ودا يوريك التناقض اللي في القرآن

يعني في آية قبل كده برضة دايمًا يستخدموها في المؤتمرات بتاعة حوارات الاديان

يقولك : لَّا يَنْهَاكُمُ اللَّهُ عَنِ الَّذِينَ لَمْ يُقَاتِلُوكُمْ فِي الدِّينِ وَلَمْ يُخْرِجُوكُم مِّن دِيَارِكُمْ أَن تَبَرُّوهُمْ وَتُقْسِطُوا إِلَيْهِمْ ( سورة الممتحنة الآية 8 )

لا ينهاكم ، طب ما هو هنا بيقولك ولا حتى لو أبوك ماتواليهوش

يَا أَيُّهَا الَّذِينَ آمَنُوا لَا تَتَّخِذُوا آبَاءَكُمْ وَإِخْوَانَكُمْ أَوْلِيَاءَ إِنِ اسْتَحَبُّوا الْكُفْرَ عَلَى الْإِيمَانِ

يبقى التانية كان موقف استراتيجي معين

الآية الأولانية دي كان في موقف معين

كان أسماء بنت أبي بكر أمها ماآمنتش بمحمد لكن لا حاربت محمد ولا عملت فيه حاجة

فا جاية تزور بنتها أسماء

الكلام دا في تفسير الطبري فا جايبلها سمن وهدايا وبتاع وبتزور بنتها

فا أسماء طردها قالتلها لأ انتي كافرة

احنا ممنوع علينا نكلم الكفار

فا عائشة راحت لمحمد تاخد منه رخصة يعني

مسكينة وأمها كبيرة ومشوار طويل وجايبلها سمن وبتاع فا طردها

فا قالها لأ ما خليها تاخدها عادي مافيش حاجة يعني بس نازله لإيه

حاجة عائلية كده

لَّا يَنْهَاكُمُ اللَّهُ عَنِ الَّذِينَ لَمْ يُقَاتِلُوكُمْ فِي الدِّينِ وَلَمْ يُخْرِجُوكُم مِّن دِيَارِكُمْ

حتى في تفسير تاني قالك دا مش حتى الكفار دا اللي هما آمنوا بمحمد بس ماهاجروش معاه

كان في آيات بتشتمهم ومابتعتبرهمش مؤمنين علشان ماهاجروش مع النبي

فا اداهم رخصة طب خلاص سامحوهم

لكن الآية اللي جات آخر حاجة بقى

نتعامل مع اللي هما مش مسلمين إزاي ؟

أهي : لَا تَتَّخِذُوا آبَاءَكُمْ وَإِخْوَانَكُمْ أَوْلِيَاءَ

بيفرق بين الأب وابنه

بيفرق بين الأخ وأخوه على أساس اللي ماآمنش بيا لا أحقية له في الوجود

لا عائلة له غيري

هي الشخصية النرجسية كده ، اترك كل دنياك وتعالى التف حولي أنا بس ، دعمني أنا بس ، دعم قضيتي أنا بس ، جاهد في سبيل الله معايا أنا بس عشان أخد 20 % من الغنائم

قُلْ إِن كَانَ آبَاؤُكُمْ وَأَبْنَاؤُكُمْ وَإِخْوَانُكُمْ وَأَزْوَاجُكُمْ وَعَشِيرَتُكُمْ وَأَمْوَالٌ اقْتَرَفْتُمُوهَا وَتِجَارَةٌ تَخْشَوْنَ كَسَادَهَا وَمَسَاكِنُ تَرْضَوْنَهَا أَحَبَّ إِلَيْكُم مِّنَ اللَّهِ وَرَسُولِهِ وَجِهَادٍ فِي سَبِيلِهِ فَتَرَبَّصُوا حَتَّىٰ يَأْتِيَ اللَّهُ بِأَمْرِهِ ۗ وَاللَّهُ لَا يَهْدِي الْقَوْمَ الْفَاسِقِينَ ( سورة التوبة الآية 24 )

طب امال الناس عايشة ليه ؟

ماهو دي أهم حاجة فعلًا في حياة الإنسان

أهله ، عشيرته ، أبناءه ، ابوه ، أمه ، وتجارته اللي بياكل منها عيش

هو بيقولهم بقى سيبوا كل ده وتعالوا جاهدوا معايا

اللي مايعملش كده هو وأهله يستحقوا القتل ومش مؤمنين وربنا برئ منهم

أصل كلمة براءة بقى هو دا

وابن تيمية خد كل البنود دي كلها

ربنا بيتبرأ من مين في آخر سورة في القرآن ؟

من الناس اللي بتفضل أنها تعيش حياة عادية

تتاجر وتكسب وتزور أهاليها

لأ قالهم سيبوا كل حاجة وتعالولي أنا

طيب برئ من مين تاني القرآن ؟

انزل شوية في الآيات في سورة التوبة

يَا أَيُّهَا الَّذِينَ آمَنُوا إِنَّمَا الْمُشْرِكُونَ نَجَسٌ فَلَا يَقْرَبُوا الْمَسْجِدَ الْحَرَامَ بَعْدَ عَامِهِمْ هَٰذَا ۚ ( سورة التوبة الآية 28 )

لكم دينكم ولي دين ، كان بيقولهم أول ما ظهرت الدعوة بتاعته في مكة

حبايب مع بعض نعيش ، نتعايش يا جماعة

انتوا تصلوا ل إلهكم وأنا أصلي ل إلهي

لكم دينكم ولي دين

لكن لما عنده القوة يقولهم إيه بقى

إِنَّمَا الْمُشْرِكُونَ نَجَسٌ فَلَا يَقْرَبُوا الْمَسْجِدَ الْحَرَامَ

أنا اللي اقرر مين يصلي في الجامع ومين مايصليش

اللي يؤمن بيا بس

الكعبة اللي كانت قدس أقدس لكل العرب هو احتلها وقال لا يقربوا المسجد الحرام

انتهت ، منع عليهم

تخيل كده انت بقى مكان مقدس لكل البشرية كان ويجي واحد بالسيف يقول دا يدخل ودا مايدخلش

دا يصلي ودا مايصليش

والدين دا هو الحق وأي دين تاني يتنسف

ولو ابوك ، لو أخوك تبعد عند ، تعاديه ، تقتله

كما حصل في بدر إن الأبناء كانوا بيقتلوا آباءهم

طيب ، مين تاني القرآن أو سورة براءة برئ منه ؟

قَاتِلُوا الَّذِينَ لَا يُؤْمِنُونَ بِاللَّهِ وَلَا بِالْيَوْمِ الْآخِرِ وَلَا يُحَرِّمُونَ مَا حَرَّمَ اللَّهُ وَرَسُولُهُ وَلَا يَدِينُونَ دِينَ الْحَقِّ مِنَ الَّذِينَ أُوتُوا الْكِتَابَ حَتَّىٰ يُعْطُوا الْجِزْيَةَ عَن يَدٍ وَهُمْ صَاغِرُونَ ( سورة التوبة الآية 29 )

طب إيه اللي حصل مرة واحدة كده

أهل الكتاب كلهم

طب مش كان فيه برضو اخوانا المسيحين

وَلَتَجِدَنَّ أَقْرَبَهُم مَّوَدَّةً لِّلَّذِينَ آمَنُوا الَّذِينَ قَالُوا إِنَّا نَصَارَىٰ ۚ (سورة المائدة الآية 82 )

قلبت عليهم ليه ؟

مش بعض اليهود كنت بتقول عليهم علماء بني إسرائيل وإن منهم برضو ناس كويسين

إِنَّ الَّذِينَ آمَنُوا وَالَّذِينَ هَادُوا وَالنَّصَارَىٰ وَالصَّابِئِينَ مَنْ آمَنَ بِاللَّهِ وَالْيَوْمِ الْآخِرِ وَعَمِلَ صَالِحًا فَلَهُمْ أَجْرُهُمْ عِندَ رَبِّهِمْ وَلَا خَوْفٌ عَلَيْهِمْ وَلَا هُمْ يَحْزَنُونَ ( سورة البقرة الآية 82 )

طب راح فين كل دا

كلهم الجزية وهم صاغرون كمان

وهم مذلولين ، أدي ربنا والرسول والمسلمين برئين من دول كمان

هتلاقي في الآخر مش هايفضل كتير من البشرية يعني

ودخل بقى في الشتايم بقى

مرة واحدة خش في اليهود

وَقَالَتِ الْيَهُودُ عُزَيْرٌ ابْنُ اللَّهِ وَقَالَتِ النَّصَارَى الْمَسِيحُ ابْنُ اللَّهِ ۖ ( سورة التوبة الآية 30 )

وَقَالَتِ الْيَهُودُ عُزَيْرٌ ابْنُ اللَّهِ أنا عايز حد يجيبلي حدث تاريخي كده كل اليهود اتجمعوا في مكان ما وقالوا عزير ابن الله ، ماحصلتش

أو يجيبلي نص يهودي مقدس مكتوب فيه عزير ابن الله ودا بيتدرس عند اليهود

لأ ألفها كده وخلاص

لا موجودة في كتاب ولا نعرف من أي حدث تاريخي جم اليهود وقالوا عزير ابن الله

ماحصلش

ممكن يكون حد أو فئة لكن هو بيقول وقالت اليهود ، قالت اليهود

مابيفرقش

وَقَالَتِ النَّصَارَى الْمَسِيحُ ابْنُ اللَّهِ ۖ ذَٰلِكَ قَوْلُهُم بِأَفْوَاهِهِمْ ۖ يُضَاهِئُونَ قَوْلَ الَّذِينَ كَفَرُوا مِن قَبْلُ ( سورة التوبة الآية 30 )

يعني خلاص كفروا بقى

اتَّخَذُوا أَحْبَارَهُمْ وَرُهْبَانَهُمْ أَرْبَابًا مِّن دُونِ اللَّهِ ( سورة التوبة الآية 31 )

انت مش كنت لسة بتقول : ذَٰلِكَ بِأَنَّ مِنْهُمْ قِسِّيسِينَ وَرُهْبَانًا وَأَنَّهُمْ لَا يَسْتَكْبِرُونَ ( سورة المائدة الآية 82 )

وناس جمال أوي وبتاع ، إيه اللي غير الآية ؟

فا دا آخر سورة في القرآن ، بتنسخ كل اللي قبل كده

بتقول براءة ، ربنا برئ من دول ومن دول

فا لحد دلوقتي ربنا برئ من المشركين ، معروفة

ربنا برئ من اليهود ومن النصاري ومن المسلمين اللي بيوالوا أهلهم وعايزين يعيشوا حياة طبيعية ويتاجروا ويكسبوا فلوس من غير غنايم

الناس اللي عندهم سلوك صحي لسة

دول القرآن برئ منهم

ليه بقى اليهود والنصارى زعلان منهم

يوقلك يريدون ……..

الآية دي باسمعها بعد كل فيديو

دايمًا كده ركزوا في التعليقات تحت الفيديوهات وبتاع هتلاقي إيه

يُرِيدُونَ أَن يُطْفِئُوا نُورَ اللَّهِ بِأَفْوَاهِهِمْ وَيَأْبَى اللَّهُ إِلَّا أَن يُتِمَّ نُورَهُ وَلَوْ كَرِهَ الْكَافِرُونَ هُوَ الَّذِي أَرْسَلَ رَسُولَهُ بِالْهُدَىٰ وَدِينِ الْحَقِّ لِيُظْهِرَهُ عَلَى الدِّينِ كُلِّهِ ( سورة التوبة الآيات 32 – 33 )

شوفتوا التعايش ؟

مش لا إكراه في الدين وجعلناكم شعوبًا وقبائل لتعارفوا

آه بس لِيُظْهِرَهُ عَلَى الدِّينِ كُلِّهِ وَلَوْ كَرِهَ الْمُشْرِكُونَ

طب امال فين التعايش ؟

دا جايلك عشان يقولك ليظهره

هو جاي عشان يمحي كل الاديان ومايبقاش غير الدين بتاعه هو اللي موجود

دا الأمر الإلهي يعني لب الرسالة إنه يجي يمحي اللي اتقال قبله

امال فين التعايش بقى والشعوب والقبائل لتعارفوا وتحبوا بعض ؟ مافيش

انزل شوية

يَا أَيُّهَا الَّذِينَ آمَنُوا إِنَّ كَثِيرًا مِّنَ الْأَحْبَارِ وَالرُّهْبَانِ لَيَأْكُلُونَ أَمْوَالَ النَّاسِ بِالْبَاطِلِ وَيَصُدُّونَ عَن سَبِيلِ اللَّهِ ( ويصدون عن سبيل الله يعني إيه مايخلوش الناس يؤمنوا بمحمد ) ۗ وَالَّذِينَ يَكْنِزُونَ الذَّهَبَ وَالْفِضَّةَ وَلَا يُنفِقُونَهَا فِي سَبِيلِ اللَّهِ ( سورة التوبة الآية 34 )

عايز فلوسهم هو دا مشكلتة مع اليهود

يا ولاد الذينة إنتوا كانزينهم على قبلكم أد كده أنا عايز فلوس

انفقوا علشان الحرب

طب أنا مالي ومال حربك

أنا راجل يهودي عايش بقالي مئات السنين في الجزيرة العربية لا بحارب حد وعايز حد يحاربني

انت جاي عايز تاخد فلوسي وتحارب بيها

ماليش دعوة بيك

دا هو سبب مشكلته معاهم بس

فا يقول عليهم بقى حرفوا التوراة ويقول عليهم مش عارف إيه ومش عارف إيه

هو دا لب مشكلته معاهم يعني

انزل شوية

يَا أَيُّهَا الَّذِينَ آمَنُوا مَا لَكُمْ إِذَا قِيلَ لَكُمُ انفِرُوا فِي سَبِيلِ اللَّهِ اثَّاقَلْتُمْ إِلَى الْأَرْضِ ( سورة التوبة الآية 38 )

برضو براءة من الله ورسولة اللي مش عايزين يحاربوا

برضو الناس اللي لسة عندهم شيء من الإنسانية لا عايزنين يقتلوا حد ولا عايزين يموتوا

الطبيعة البشرية كده

لأ ربنا برئ منهم دول

اللي مش عايزين يحاربوا ربنا برئ منهم

الحرب هي الهدف

إِلَّا تَنفِرُوا يُعَذِّبْكُمْ عَذَابًا أَلِيمًا ( سورة التوبة الآية 39 )

يعني ربنا بيعذب مش بس اللي كفروا بيه ، اللي مش عايزين يحاربوا مع محمد

فا ربنا برئ منهم وهايعذبهم

إِلَّا تَنصُرُوهُ فَقَدْ نَصَرَهُ اللَّهُ ( سورة التوبة الآية 40 )

ربا واقف معاهم

شوف السورة هتلاقيها كلها بتدور حوالين حاجتين 2 بس

اللي مايحاربش معايا أو يأبجني ( يديني فلوس يعني )

اللي مش هايديني فلوس أو يحارب معايا أنا برئ منهم كلهم

سواء بقى يهودي ، مسيحي ، مسلم ، مؤمن بيه ، مؤمن بإن إله واحد

بيصلي ويصوم

لأ ، مش كفاية

يإما تقاتل معايا يإما تأبجني

تنفق في سبيل الله يإما أنا برئ منك

يروح بقى إيه داخل على المسلمين نفسهم بقى

الْمُنَافِقُونَ وَالْمُنَافِقَاتُ بَعْضُهُم مِّن بَعْضٍ ۚ يَأْمُرُونَ بِالْمُنكَرِ وَيَنْهَوْنَ عَنِ الْمَعْرُوفِ وَيَقْبِضُونَ أَيْدِيَهُمْ ۚ ( سورة التوبة الآية 67 )

مابيدفعوش ، ويقبضون أيديهم

فا خلى المسلمين نفسهم بقوا منافقين ليه ؟ عشان مابيدفعولوش

وَعَدَ اللَّهُ الْمُنَافِقِينَ وَالْمُنَافِقَاتِ وَالْكُفَّارَ نَارَ جَهَنَّمَ خَالِدِينَ فِيهَا ( سورة التوبة الآية 68 )

خش على اللي بعدها بقى

يَا أَيُّهَا النَّبِيُّ جَاهِدِ الْكُفَّارَ وَالْمُنَافِقِينَ وَاغْلُظْ عَلَيْهِمْ ۚ وَمَأْوَاهُمْ جَهَنَّمُ ۖ وَبِئْسَ الْمَصِيرُ ( سورة التوبة الآية 73 )

هنا : وَمِنْهُم مَّنْ عَاهَدَ اللَّهَ لَئِنْ آتَانَا مِن فَضْلِهِ لَنَصَّدَّقَنَّ وَلَنَكُونَنَّ مِنَ الصَّالِحِينَ ( الفلوس ) فَلَمَّا آتَاهُم مِّن فَضْلِهِ بَخِلُوا بِهِ وَتَوَلَّوا وَّهُم مُّعْرِضُونَ ( سورة التوبة الآيات 75-76 )

مابيدونيش فلوس يبقى يستاهلوا الحرق

فا بقوا كده إيه منافقين

فَرِحَ الْمُخَلَّفُونَ ( سورة التوبة الآية 81 )

المخلفون اللي هما ماراحوش الحرب معاه بر ضو براءة من الله والرسول منهم

هتلاقي بعد كده إيه الأعراب أشد كفرًا ونفاقًا

ليه الأعراب أشد كفرًا ونفاقًا ؟ عشان مابيدفعلوش

عشان مابيجيبوش الصدقات

اقرأ سورة التوبة وتمعن فيها بنفسك

الْأَعْرَابُ أَشَدُّ كُفْرًا وَنِفَاقًا وَأَجْدَرُ أَلَّا يَعْلَمُوا حُدُودَ مَا أَنزَلَ اللَّهُ عَلَىٰ رَسُولِهِ ۗ وَاللَّهُ عَلِيمٌ حَكِيمٌ مِنَ الْأَعْرَابِ مَن يَتَّخِذُ مَا يُنفِقُ مَغْرَمًا وَيَتَرَبَّصُ بِكُمُ الدَّوَائِرَ ( سورة التوبة الآيات 97-98 )

برضو كلها الإنفاق ، مابيدفعش مابيدينيش

إذن هتلاقي اليهود ، النصارى ، المشركين ، المنافقين اللي هما مسلمين بس مابيدفعوش فلوس ، والأعراب البدو اللي مالهمش لا في الطور ولا في الطحين ولا في أي خالص

هاتنزل بقى في نهاية سورة التوبة الخلاصة اللي هو محمد عايزه من الناس

هتلاقي الآية اللي بتقول : خُذْ مِنْ أَمْوَالِهِمْ صَدَقَةً تُطَهِّرُهُمْ وَتُزَكِّيهِم بِهَا ( سورة التوبة الآية 103 )

خد منهم فلوس وهتلاقي اللي تحت خالص

إِنَّ اللَّهَ اشْتَرَىٰ مِنَ الْمُؤْمِنِينَ أَنفُسَهُمْ وَأَمْوَالَهُم بِأَنَّ لَهُمُ الْجَنَّةَ ۚ يُقَاتِلُونَ فِي سَبِيلِ اللَّهِ فَيَقْتُلُونَ وَيُقْتَلُونَ ( سورة التوبة الآية 111 )

هو دا الهدف

هتلاقي دايمًا القتال ، المال

اللي مش هايقاتل معايا ، اللي مش هايديني فلوس أنا برئ منه

سورة براءة ، سورة التوبة بتلف وبتدور على كل الموضوع دا

أي حد مابيديلوش فلوس بيخترعله حاجة إن إزاي يبقى كافر ، إزاي إن هو غير مقبول

أنصح كل واحد إن واحد إنه يقرأ سورة التوبة ويتمعن فيها كده ويشوف النفسية اللي فيها

ويشوف كم مرة كلمة الفلوس بين السطور دايمًا

الفلوس ، مابيدونيش ، مابيدونيش ، مابيدونيش

هي دي أزمة محمد ، هي دي آخر سورة في القرآن اللي المفروض إن هي يكون فيها كل قمة الروحانيات

الناموس الإلهي ، آخر حاجة مختصرة كده الناس تعرف

إيه دا ؟ كراهية مقدسة على أساسها قامت الفتوحات الإسلامية والغزوات والحروب

وعلى أساس دا قامت القاعدة وعلى أساس دا قامت داعش