أهلًا بيكوا في حلقة جديدة من صندوق الإسلام
اتكلمنا الحلقة إللي فاتت عن أزمة الهاوية الإسلامية وإزاي إنها بتعطل موضوع الإصلاح
إن الهاوية الإسلامية مش بتترك لنفسك إنك تصلي وتصوم
في علاقتك الخاصة بينك وبين ربنا لو كان الموضوع كدة ماكنش هيبقى في أزمة في الإسلام
ماكناش هنحتاج إننا نصلح الإسلام لو الإسلام هو مجرد الطقوس الدينية
إن الإنسان يصلي ويصوم ويعبد ربنا ويحج إللي هما الفروض الخمسة مافيهاش أي مشكلة
مافيش حد في الدنيا بيمنع المسلم عن الحاجات دي على فكرة يعني
بس المشكلة الهاوية الإسلامية ديكتاتورية شوية يعني عايزه منك تكون أنت والإسلام
كيان واحد التصاق تام ماتعملش حاجة في حياتك غير لما يكون الإسلام باصملك عليها وماضيلك عليها
غير كدة هيعيشك في عذاب ضمير, هيعيشك في تعب
المشكلة في الإسلام وهاويتك الإسلامية بتحدد علاقاتك مع التانين
مع الجنس الآخر مع اليهود مع المسيحين مع الملحدين مع البهائين مع الشيعة
فمخلياك إن أنت في بتلهث وراها هذة الهاوية
مابتديلكش وقت كدة تبقى relax الإسلام ما بيخلكش relax
بيطلب منك إنك تكوم مسلم 100% مافيش إسلام منزوع الدسم
من وجهة نظر الإسلام أنت لازم تكون حاضر تمامًا, لازم تكون بكل وجدانك وكيانك مسلم
مش تدي بقى فتافيت لربنا لازم تدي لربنا روحك وحياتك نفسها
فكلمة المشروع الإسلامي كانت دايمًا يعني واردة في خطابات المسلمين وخاصة الأخوان
المشروع الإسلامي ومازالت الكلمة دي عند ناس المفروض إن هما ناس متنورين وإن هما يعني عقلانين
يقولك المشروع الإسلامي طب المشروع الإسلامي دة إيه حدوده؟
بتبدأ فين؟ وبتنتهي فين؟ وأنت مدام قولت المشروع الإسلامي أنت دخلت الإسلام في السياسة
أنا بتذكر حوار كنت عملته مع عبد المنعم أبو الفتوح إللي هو كان مرشح الرئاسة
وهو طبعًا كان مع الأخوان وخرج عن الأخوان
بس برضو لسة قلبه عند الأخوان ماتعرفش
المهم أنا كنت بسأله في مكتبه إللي اسمها دار الحكمة اسمها إيه المكان ..
نقابة الأطباء فبسأله هل أنت موافق على العلمانية؟
قالي لا العلمانية .. وطبعًا صعب ودي تجربة أوربية ومانقدرش نطبقها عندنا و و إلى آخرة
قولتله طيب أمال أنت تصورك للمشروع الإسلامي أشرحهولي علشان أعرف
قالي المشروع الإسلامي هو إن تكون دولة مدنية بمرجعية إسلامية
قولتله أشرحلي أكتر
قالي كل دولة في العالم هو عارف إن أنا كنت عايش في ألمانيا قالي أنت عايش في ألمانيا
القانون الألماني أكيد مانزلش من السما كدة يعني الألمان اخترعوه في فضاء منعزل بنفسه يعني
وإنما عملوا القانون حسب اعرافهم وتقاليدهم ومبادئهم فكان عندهم أكيد يعني مجرى ومجرى ومجرى للهاوية بتاعتهم
وأكيد دخل فيها القانون الألماني طلع من كدة فأكيد التأثير المسيحي
والتأثير اليوناني القديم السياسة الألمانية وإللي حصل في ألمانيا وهتلر
أكيد برضو الكلام دة كان لية تأثير لما عملوا الدستور الألماني
طبعًا هو عنده حق أي دولة مابتجبش دساتيرها من الفضاء الخارجي
قولتله أنا بس شاكر ليك إنك قولت إن القوانين مابتنزلش من السما, إن القوانين مابتنزلش من السما
لكن هي دي أزمة الإسلام بالظبط إنه بيعتبر القانون نازل من السما ربنا قال الكلام موجود
صحيح إن ألمانيا وفرنسا والسويد وأمريكا لما عملوا دساترهم كانوا بيستقوها من هويتهم
من محيطهم و لكنهم اكتشوا إن برضو في حاجات من هاويتهم لازم يبعدوها عن الموضوع
يعني التفرقة العنصرية في أمريكا ماكنش ينفع إنها تبقى جزء بقى من الدساتير الحديثة إنهاردة
يعني دة شيء يعني العبودية كانت شيء موجود في التاريخ وكان الناس استطلحوا ساعتها
إن دة لابد منه يعني العبودية شيء يعني عادي طبيعي وماكنش يعني قبل ابراهام لينكن
ماكنش في صرخة في العالم كدة لتحرير العبيد ولا ..
كان كلة بيتاجر فيها وإحنا العرب آخر ناس بطلوا يتاجروا في العبيد كنا إحنا
دة لحد إنهاردة يعني إيه لسة البواقي موجودة في الخليج وفي عمان وكدة
بس إحنا استفدنا كتير جدًا مين إللي كان بيصطاد الأفارقة السود من ورا الصحراء العظمى
ويجبهم عن طريق الصحارى ويوصلهم بقى للمغرب ومنها إلى أمريكا ولا منها لأوربا؟
مين إللي كان بيعمل كدة؟
ماكانوا التجار العرب التجارب العرب دول كان مصدر رزق أساسي ليهم
لكن إنهاردة ماحدش هيجي يقولك لأ دي تقاليد بلدنا وسلو بلدنا إن إحنا نصطاد عبيد ونبيعهم
خلاص البشرية توصلت إن الكلام دة كان غلط
زي ما توصلت إن سبي النساء في الحرب جريمة حرب
زي قتل الأسرى جريمة حرب الحاجات إللي كان النبي بيعملها إنهاردة من وجهة نظر إنهاردة اسمها جرايم حرب
فلذلك لما الأمريكان ولما الانجليز حتى الانجليز ماعندهومش دستور مكتوب
بس الألمان لما حبوا يعملوا ماجوش قالوا والله هتلر جزء من تاريخنا وإن الفاشية النازية دي يعني جزء مهم من تاريخنا
فلازم ندخله في الدستور لأ عرف الحاجات إللي كانت مؤذية في تاريخه ونحها عن الدستور
بل بالعكس دة حط مواد في الدستور علشان تمنع تكرار هذا الشيء
فشاف هتلز إزاي … لأن كان في دستور في ألمانيا في العشرينات
اتعمل بعد الثورة الألمانية إللي هي 1918-1919 بعد نهاية الحرب العالمية الأولى علطول
حصل ثورة في ألمانيا كسبها الأشتراكين وطردوا الأمبراطور وعملوا ديموقراطية
إللي بيسموها جمهوية فايمر, هتلر لية دمر دي بقى؟
علشان الدستور ماكنش فاصل بين السلطات
إن الدستور ماكنش كان بيدي المستشار الحق إن هو يعني يلغي البرلمان وقت ما هو عايز
إن هو يلغي أحزاب وقت ما هو عايز ماكنش في فصل واضح بين السلطات
فلذلك هتلر هو هتلر وصل للحكم إزاي؟
ماهو بإنتخابات حرة وكان كسبان فيها يعني 30% أو 31% بي يعني ماكنش غالبية عمظمى ولا حاجة
بس لما وصل للحكم الثغرات إللي في الدستور بتاعه هي إللي خليته يرجع يدمر التانين تاني ويلغي الأحزاب
ويعمل قانون اسمه قانون التمكين نفس الفكرة إللي الأخوان كانوا عايزين يعملوها مع محمد مرسي التمكين
بهذا النص اسمه قانون التمكين فأه أنا قولتله كان حوار يمكن مرتين قابلته وكل مرة 3 ساعات
يعني بتاع 6 ساعات وإحنا عمالين نتكلم في النقطة دي يعني إيه دولة مدنية بمرجعية إسلامية؟
قولتله عايز تطبق الشريعة قولي هطبق الشريعة بس ماتقوليش مرجعية
أصل مرجعية دي يعني بوابة جهنم ودة إللي إحنا شايفينه إنهاردة
إللي بيحصل كل قوانين إزدراء الاديان,وهدم الكنايس, كل إللي بيحصل دة
هي بسبب البوابات الخلفية إللي ماحدش عايز ياخد فيها موقف علشان النصوص الإسلامية الواضحة إللي بتحبذ هذة الأشياء
فيقول هي دي المرجعية الإسلامية, المرجعية الإسلامية هتلاقيها في النهاية
تحجم المسيحين والبهائين والشيعة إزاي
المرجعية الإسلامية هتلاقيها بتحجم المرأة إزاي
هتلاقيها بتتكلم عن الحجاب والعفة والشرف وخلصت الهاوية الإسلامية والمرجعية الإسلامية كلها
هتلاقي المرجعية الإسلامية مش هتمشي بيعملك خدعة اسمها البنوك الإسلامية
وكل البنوك الإسلامية بتشتغل بالربا برضو
بس بتاخد منك أنت .. الفرق بين البنك الإسلامي والبنك العادي
البنك العادي بيقولك لو أنت حطيت فلوسك عندنا هنديك 6%
البنوك الإسلامية لو حطيت فلوس عندنا هنديك 6% إنشاء الله
ولو ما شائش مش هتاخد حاجة فهو فاتح باب النصب والاحتيال
غير كدة إيه المرجعية الإسلامية بقى؟
أنا قاعد معاه عايز أعرف منه اديني المرجعية الإسلامية إللي هتحل بيها الأزمة
ما هو علشان مافيش رؤية واضحة الإسلام سياسيًا سياسيًا ماعندوش مشروع فعلًا
هو عنده مشروع اخلاقي بس مش سياسي وهو علشان كدة لما بيطبق بقى ويمسك الحكم ما بيلاقيش غير شوية المسائل الاخلاقية دي يتمسك فيها
البت دي ماشية مع الواد دة ارجموها, الواد دة سرق أقطعوا ايده
هتلاقيهم 6,7 حاجات بيعملوهم إللي داعش ليل ونهار شغاله عليهم
البت حطة مانكير في ضوافيرها المناكير لازم أقطعوا ايديها أقطعوا ضوافيرها
انشغالهم دايمًا كدة البت لابسة إيه؟ حجابها عامل إزاي؟ مش لابسة نقاب لية؟
هي داعش بتطبق إيه غير هي القوانين دي؟
بس فهو المشروع الإسلامي قائم على شوية فكرة اخلاقية بدائية جدًا دايمًا ليها علاقة بالمرأة
وأهل الذمة وغير كدة السلام عليكم ورحمة الله وبركاته
لا في مشروع اقتصادي واضح,ولا في مشروع سياسي تشريعي متقدم
لأ هو هو فكرة اخلاقية عمالين نلف وندور عليها
إيه يادكتور عبد المنعم الدولة الإسلامية بمرجعية الإسلامية الدولة المدنية بمرجعية إسلامية
قولتله هتجلد شارب الخمر؟
بصراحة كدة أنت راجل دلوقتي عايز تبقى رئيس جمهورية قولي تصورك القانوني إيه؟
قالي لأ الجلد مش عارف إيه وبرضو دخلك في إن الزمان لا يسمح يعني إن هو مش عايز
طب هتقطع يد السارق؟
قال لأ قطع ايد السارق لازم الأول لازم الأول هة قبل ما أقطع ايد السارق
أعطي الناس كفافهم, لازم أصلح الإقتصاد لازم أعمل كدة علشان إللي يسرق يبقى يستحق إن ايده تتقطع
قولتله يعني الهدف من الإصلاح الإقتصادي إن أنت بعد كدة برضو
يعني مش عايز بعد ما تصلح الإقتصاد تصل إلى حل تاني غير القطع؟
يعني وكأن الهدف من الإصلاح إنك توصل بقى إيه
خلينا نطبق شرع خلينا نقطع الحمدلله بقى إن إحنا قدرنا نصلح الإقتصاد والناس دلوقتي عندها
نقدر بقى نقطع ايادي البشر من غير ما ضميرنا يتعذب
هي دي الأزمة عنده يعني مش إن أنا أقطع ايد السارق ولا لأ
لأ إن لازم الأول يكون الناس مكتفين طب افرض مكتفين وحد سرق ما تحطه في السجن زي باقية كل الدول
لية مصمم إن التشريع ما أهو أنت كدة لسة مرتبط إن القوانين بتنزل من السما
بتنتقد بقى وتقول إيه ما هو ألمانيا القوانين عندها مابتنزلش من السما ما بتنزل عندك من السما
بتقولي يقطع يد السارق بعد ما
قولتله هتمنع الخمور؟
برضو يلف ويدور عليا ما أهو أصل أنا دلوقتي الحرية والقانون وبتاعتي ماتخلنيش إن أنا أعمل حاجة ضد رأي الأغلبية
لو الأغلبية عايزاني أمنع الخمور لازم أمنعها
أنت جايب حضرتك الفهم دة عن الديموقراطية منين؟
جة بقى في أخر ساعة ساعة ونص دخلنا في بعض شمال ويمين يعني
قولتله حضرتك جايب الفهم دة منين للديموقراطية؟
كان الحوار دة إيه كان بعد الثورة وقبل الترشح للرياسة كان ناس كتير معوله عليه
إنه هيبقى رئيس جمهورية يعني لأن ميوله أخوانية وفي نفس الوقت يعني معتدل
بس هو دة المعتدل إللي فيهم يعني إن هو برضو مش عايز ياخد موقف من الحريات الشخصية
أصل أنا ماقدرش لو الأغلبية عايزه ضد الخمرة ماقدرش أنا أغصبها واحط
قولتله دة فهم غلط جدًا للديموقراطية حتى لو أنت عندك 4 4 في مصر بس هما إللي بيشربوا خمور
من حقهم إن هما يشربوا طالما إن هما مأذوش التانين
علشان التانين مش عاجبهم الخمر هما حرين مايشربوش هما
هي دي الديموقراطية المرجعية الإسلامية بقى هي إللي مرجعها شريعة تاني
المرجعية الإسلامية أنا بخش معاكوا في تفاصيل علشان تعرف المشاكل فين؟
قولتله طب لو الأغلبية قالوا عايزين ندبح الأقباط والشيعة والبهائين ومش عايزين غير المسلمين
طب أهو رأي الأغلبية هتروح معاهم وتجيب سلاح وتدبح؟
مهو الديموقراطية يادكتور ليست حكم الأغلبية ولكن حماية كل الشعب
خلق قوانين تحمي الأقلية من الأغلبية ومن جور الأغلبية
لأن الأغلبية ممكن تجور وخاصة الأغلبية بتاعتنا إحنا بالذات يعني عندها ميول كدة
إن إيه ولا أنا متعصب وعايز أفش غلي فلازم أنت تحجم الأغلبية دي
القوانين مش أنت تمشي على هوا الأغلبية ففضلنا بقى نلف
أنا نفسي أفهم يعني إيه دولة مدنية بمرجعية إسلامية مالقناش حل دولة دينية دولة مدنية بمرجعية
دولة مدنية يعني قانونها مدني يعني الناس هما إللي بيعملوا القوانين
يعني القوانين لازم تراعي مصالح كل إللي ساكنين في هذا البلد
ولو في أقلية مكونة من 20 واحد لازم أبقى عارف إن القانون دة مش هيتسبب إن الناس دول يتئذوا
وإن هما يكونوا رحمة أقلية تانية أو أغلبية دة فكرة الدولة المدنية
كلمة مرجعية إسلامية هي إللي بتدخل قانون إزدراء الأديان, هي إللي بتدخل المادة التانية للدستور
هي إللي بتدخل تحكم السلافين في التعليم, هي إللي بتدخل دور الأزهر, هي إللي بتدخل تشريعات القانون المدني
وقانون الأسرة إللي ظالمة إللي مابتديش المرأة حقوقها
طب يبقى فين الدولة المدنية أصلًا؟ أنت نسفت فكرة الدولة المدنية
الدولة المدنية دولة الديموقراطية لا لون لها لا دين ولا لون ولا طعم ولا رائحة
الدولة المدنية مالهاش دين الدولة دول مجموعة من الجدران والوظائف الادراية
وظيفتها تشغيل وتسير الأمور الدولة مش دورها إنها تحمي عقيدتك من الأنتقاد
الدولة دورها إنها تسمح لكل زي عقيده إنه يمارس عقيدته بحرية
وتسمح للي مالوش عقيدة مايتئذيش من إللي عندهم عقيدة
دولتك المدنية إللي بمرجعية إسلامية بتلغي كل دة
المرجعية الإسلامية بتعمل خيار وفقوس في القوانين
المرجعية الإسلاميةرمابتخليش القبطي واليهودي والملحد متساوي أمام القضاء مع المؤمن المسلم السني
المرجعية الإسلامية مابتخليش المرأة والرجل متساوين أمام القضاء يبقى فين الدولة المدنية؟
كلمة المرجعية الإسلامية بس بتنسف مفهوم الدولة المدنية تمامًا
بس نرجع ونقول الأزمة هي أزمة الهاوية مانقدرش الشباب تايهة
الشباب مانقدرش نقوله بعد ما عمالين بقالنا 1400 سنة عمالين نخليه يحلم
بإنه هيرث الأرض ومن عليها وهيحلم هيحارب اليهود والشجر هيتكلم
وبيحلم إن وعد ربنا هيتنفذ والمسلمين هما إللي هينتصروا في النهاية
أصل ربنا عامل آخر دين الإسلام الإسلام آخر دين لية؟
مش علشان إن هو هيصلح الكون والدنيا على مزاجه هو
نيجي بقى على آخر الزمن ناخد القوانين الغربية بتوع الناس الكفرة إللي بيحاربونا طول الوقت
إللي ربنا عمال يعلمنا نكرهم نكرهم نكرهم نيجي بعد 1400 سنة نقول لأ خلاص واضح إن المشروع دة مش صح
فإنسى كل دة وارجع بقى إيه اتعلم من الغرب واتعلم منه الطرق الديموقراطية
واتعلم منه إزاي تعمل برلمان واتعلم منه إزاي تعمل اا
لأ بس أنت اتعلم منه تاخد برلمان بس عايز تطبق فيه الشريعة إيه دة؟
فكرة البرلمان أصلًا غربية, فكرة الديموقراطية غربية أنت جاي عايز تإسلمها؟
فبتبقى مشوهة علشان بترقص في النص مش عايز تقرر بقى إيه نكمل قانون مدني علطول ولا لأ
هتيجي تقول للشباب إن كل المشروع دة مالوش لازمة وأنت كنت بتحلم كدة في الهوا
أنت ماكونتش متغطي وأنت نايم أرجع بقى انسى كل احلامك الوردية وأنت هتسود
هيجي يقولك أمال إحنا آخر دين لية؟
أمال إيه رحمة للعالمين؟ وإيه إن إحنا هنور البشرية؟ وإيه وعد الله؟
يعني ربنا كدة خلص الفيلم كدة؟ دة مش مسلي الفيلم خالص إن جة المسلمين ومش عارف إيه
وبعد شوية ضعفوا وبعدين الإستعمار جية ولا الحروب الصليبية والإستعمار وخلص الفيلم
وربنا بقى يقولك إيه بقى لا روحوا إيه اتعلموا منهم النانوتكنولوجي
دة إيه التطور الإلهي الغريب؟ يعلمنا الكراهية ليهم 1400 سنة وفجاءة كدة يقولنا لأ روحوا حبوهم
وعيشوا معاهم واتعلموا منهم الصناعة والتجارة وركوب الخيل!
ماهو حاجة برضو تلخبط الولد إللي أنت هاويته عمال تحقنه في المدارس عن الحلم الإلهي المقدس
وبعدين بعد كدة تيجي تقوله لأ تعالى نعمل دولة مدنية
إيه دولة مدنية دي؟ أمال فين الخلافة؟
ربنا عايز خلافة, ربنا عايز جهاد, ربنا عايز يمحي اليهود من على وش الأرض
فأنت هتيجي بعد كدة وتقول إيه نعمل خليط من الأثنين
لأ تختار دة يا تختار دة لأن الخليط بيتشوهة وبيخليك لا بتاخد خطوة لقدام ولا لورا
على الأقل داعش خدت موقف قالت إحنا عايزين نرجع لوعد الله وعايزين نرجع الرسول
وعايزين نرجع لحياة الرسول وهنطبق الإسلام زي ما الرسول قال
الراجل بقى الوسطي إللي هو مش عايز يقرر
العلماني عارف العلمانية بيقولك الدين مابيدخلش في التشريعات والقوانين مش فكرة الأخلاق
فكرة دولة القانون فكرة العدل هي الأساس مش الأخلاق
ماحدش يئذي حد لكن إللي عايز يئذي نفسه يئذيها هو حر
إللي عايز يشرب ويسكر هو حر بيعاقب نفسه لو سكر وداس حد بالعربية يتعاقب
هو دة هي دي الدولة المدنية, الدولة المدنية إن دة عايز يتجوز دي دينهم إيه؟ خلفياتهم إيه؟
الدولة مالهاش دعوة أنتوا الأثنين موافقين؟
طيب عايزين 2 شهود طيب اتجوزتوا
لكن الدين لأ تتجوزيه إزاي؟ إزاي تحبيه وهو مش عارف إيه؟
في أديان جت بعد الإسلام زي الدروز وزي البهائين متطورين أكتر من الإسلام بكتير على فكرة
يعني الدروز في مساوة بين الراجل والمرأة والعقل هو أكبر سلطة في الديانة الدوريزية
عندك البهائين قالوا الإسلام والمسيحية واليهودية عند الله متساوين
مافيش دين أعلى من دين لأن كلهم جاين من نفس المصدر هة ومافيش حاجة اسمها جهاد ألغوا فكرة الجهاد
حتى الأحمدية إللي هي يعني يعني ديانة متأخرة يعني وبرضو بس برضو قالوا مافيش جهاد ومافيش
يعني الديانات دي إللي جت بعد الإسلام أنت بترفضها وبتقول ربنا ماعندوش ديانات تانية
ربنا ماعملش كدة تصميمك بقى إن دة أخر دين وإن الدين دة مرتبط بأمر إلاهي
وحلم سماوي إن المسلمين يمسكوا زمام البشرية ويعلموهم بقى الأخلاق على سنة الله ورسوله
ويطبقوا شرع الله ويطهروا الأرض من كل المشركين والكفار واليهود
دة الحلم الإلهي السماوي لو هتكمل فيه علطول داعش مباشرة مافيش حل تاني
لو عايز تقتص داعش من جذورها يبقى لازم تتوجهة للبشرية كدة يا ياباني يا مسيحي يا سرياني يا ملحد يا شيعي يا كدة
أنتوا أخواتي في البشرية وإحنا بنتعاون مع بعض تعالوا نعمل غدوة مع بعض كدة
دة يجيب الجبنة دة يجيب البيض دة يجيب السلطة دة يجيب الخيار
ويقعدوا كدة الناس مع بعض وياكلوا فيكون في تنوع في الأكل
لكن أنت تروح تعمل غزة علشان تسرق منه الخيار وتسرق منه الجبنه بتاعته
الإقتصاد دة ولى زمنه دة بيسموه إنهاردة قرصنه
دة بيسموه إنهاردة سطو مسلح يعاقب عليه القانون
فألغي الافكار دي كلها وارجع لفكرة إنك جزء من البشرية
أزمة الإسلام إنه لا يرى نفسه جزء من الإنسانية يرى نفسه فوق الإنسانية لازم يقرر الإنسانية تمشي إزاي؟
هي دي الأزمة لكن إحنا كلنا بشر مافيش حد أعلى من حد مافيش حد أسمى من حد
لو اتفقنا على هذا الأساس يبقى اه في امكانية للإصلاح
بس مش من خلال أنبوبة الإسلام برة قوقعة الإسلام
يبقى أنت الإسلام دخله في قلبك تمارسه في بيتك في مسجدك لكن عند التعامل مع الآخرين
لازم تعطل هذا الدين سياسيًا وقانونيًا علشان لو التاني جاب دينه ودة جاب تصوره ودة جاب تصوره هتبقى خلطبيته وهتبقى حرب أهليه
نراكم في الحلقة القادمة.
Download text file
You may also like
