أهلًا بيكوا في حلقة جديدة من صندوق الإسلام ونواصل البحث والجدل حول إصلاح الإسلام
اتكلمنا في الحلقة إللي فاتت عن الإسلام والمرأة وكيفية إصلاح هذة العلاقة
هل يمكن إصلاح هذة العلاقة؟ كيف تخرج المرأة من الأطور الضيقة التي وضعها الإسلام للتعامل معاها؟
في مشاكل كتير مرتبطة بعلاقة الإسلام بالمرأة وهي الفكرة من الأساس
الإسلام بيبص لها على أساس إنها إيه؟
لما هو بيقول نسائكم حرث لكم.
يبقى الإسلام بيتكلم لراجل كيف يتعامل مع المرأة؟
لما يقول وَاللَّاتِي تَخَافُونَ نُشُوزَهُنَّ فَعِظُوهُنَّ وَاهْجُرُوهُنَّ فِي الْمَضَاجِعِ وَاضْرِبُوهُنَّ
يبقى دايمًا الراجل فوق والست تحت الست هي مش ند للراجل في العلاقة
القرآن مابيقولش للمرأة تتصرف إزاي لو الراجل نشذ معاها
مابتقولش
لو الراجل نشذ هة في يقولك هاتوا حكم من أهلها وحكم من أهله
أهلها وحكم من أهله يصلحوا هو ينشذ, هو يضرب, هو يغلط عنده حق
أو على الأقل لو معندوش حق مايتعاقبش, ما ينضربش, مايزجرش
لأ يبقى هاتله حكم من أهلها وحكم من أهله وحلوا بقى المشكلة دي بالسلام
السلام موجود لو هو غلط, لكن هي لو غلطت ماينفعش
إنهاردة عايزين نتكلم عن مشكلة أو قضية في ناس كتير بتقول إن هي فرعية ومابتلعبش دور كبير
ألا وهي قضية الحجاب وعلاقته بدور المرأة,علاقته بموضوع الإصلاح
النظرة الإصلاحية بتقول إن الحجاب دة مجرد إن هو رمز ديني, علاقة بين المرأة وربها
وإن لازم الست لو قاعدة لوحدها في البيت وبتصلي يبقى لازم تلبس الحجاب
دليل على التواضع أمام الله زي ما الراجل كدة أو زي كلهم راجل وست بيسجدوا لربنا دليل على التواضع كمان دليل على التواضع
وإنه مستحب كمان الراجل يحط طاقية فوق دماغه لما يروح يصلي في الجامع مش لازم بسدة مستحب
طبعًا عادات برضو يهودية قديمة إن الراجل والست يحطوا حاجة على دماغتهم وهما داخلين المعبد أو بيصلوا في المعبد والكلام دة كله
بس علاقة الإسلام بالحجاب بتختلف
لأن الموضوع مش مجرد حاجى الست بتحطها على دماغها علشان وهي بتصلي
طب وهي خارجة في الشارع بتصلي؟
مابتصليش طبعًا
لأ الحجاب حاجة بتوصف علاقة الراجل بالمرأة ونظره الرجل إللي عمل الدين دة للنساء
فحصل تطور في موضوع الحجاب
يعني أول مرحلة قال يعني قولهم
يُدْنِينَ عَلَيْهِنَّ مِن جَلَابِيبِهِنَّ ۚ ذَٰلِكَ أَدْنَىٰ أَن يُعْرَفْنَ فَلَا يُؤْذَيْنَ ۗ
دي أول مدخل في موضوع الحجاب إن يحطوا الغطا على راسهم كدة علشان إيه علشان يعرفوهم دول إيه حرائر
شوف أنت تفسير ابن كثير للآيه دي هايقولك إن المجتمع دة كانوا
لما ست تخرج لقضاء الحاجة بليل كانوا يشوفوا إذا كانت لابسة حاجة على شعرها تبقى حرة
دة قبل الإسلام كمان, فلو مش لابسه حاجة على شعرها تبقى عابده ومدام عبده فكانوا يقفزن عليها
مادام أمة يبقى يقفزن عليها يقفزن دي الكلمة إللي بيستخدمها ابن كثير ينطوا عليهم يعني
كدة دة المجتمع بتاع المدينة إللي محمد كان عايش فيه بتاع مكارم الأخلاق
إللي إحنا هنتعلم منه الأخلاق إنهاردة
إنوا لما كانوا يشوفوا واحدة مش حاطة حجاب على راسها ينطوا عليها
طيب إنهاردة تقريبًا لو بصينا للي بيحصل في المجتمع تقريبًا نفس الشيء
إللي بتشيل الحجاب وبتمشي في الشارع إنهاردة في القاهرة ولا في الخرطوم
ولا طبعًا في السعودية وإيران مستحيل ممنوع أصلًا ولا في العراق ولا في أي بلد إسلامي
تقريبًا في باكستان بلاش الدول العربية علشان يقولك دة القبيلة العربية
لا باكستان وأفغانستان إللي بتخلع الحجاب وبتمشي إنهاردة بيعملوا إيه؟ بينطوا عليها يعني Littre حرفيًا يعني
نفس المنطق ماتغيريش حاجة لية؟
لأن النظرة للمرأة ماتغيرتش
فإحنا عارفين طبعًا القصة إن سودة مرات محمد ولا بنت سالما
راحت تقضي الحاجة فعمر ابن الخطاب قال عرفناكي ياسودة ,
حاجات كدة
فنزلت الإيه حطوا حاجة على راسكم علشان الحرائر بيحطوا حاجة على راسهم يعني
العبيد لأ
تفرقه عنصرية إن الأمه ممكن صدرها يبان عادي
يعني العورة بتاعتها حسب الشرع الإسلامي
ما بين السرة والركبة
يعني تمشي عادي بصدرها عريان ممكن
وقالوا إن عبداله ابن عمر كان بيروح السوق في المدينة يعني سوق الجواري وكان يتحسس أثداء الجاريات علشان يشوف البضاعة سليمة ولا مش سليمة
عادي جدًا
ماحدش منعه وقاله دة ضد العفة ففكرة إن العفة ولا مش عفة مش دة لأ دة كان رمز عنصري
إن المرأة الحرة بعرفها إزاي؟
إنها لابسة, ولما الراجل الحبيب على الجفري المتسامح الراجل الخلوق
لما حب إنه يلاقي حل للموضوع عمر ابن الخطاب لما كان يروح السوق ويضرب الأماء علشان مش لابسين حجاب
علشان لابسين حجاب طب هي المفروض هي الأمه لابسة حجاب ماهي اتعففت أهي دة شيء حلو
الأمه لابسه حجاب وماشين في السوق بتتعفف علشان الراجل يغض بصره برضو
علشان لأ عمر ابن الخطاب راح وضربها بالدرة بتاعته زي الكرباج كدة العصاية بتاعته دي
ويضربهم ويقولها يعني أتشبهتن بالحرائر؟
فالحبيب على الجفري برر دي لعمر ابن الخطاب إزاي؟
يقولك إن المبدأ هما أن عمر ابن الخطاب كان يرفض التزوير إن هذا يعني هي بتبين نفسها على إنها حاجة مش هي
إن هي ورت نفسها إنها إنسانه حرة فماشية في السوق دة تزوير
إيه التزوير في كدة؟
هي ماشية رايحة تشتري حاجة من السوق وراجعة
اه يعني علشان لو راجل مسلم كدة وافها وقال والله البنت دي حلوة وإحنا عايزين نخطبها لإبننا علشان بقى حرة وبتاع
فلو راح اه دة طب وإيه المشكلة ما هيعرف إنها جارية وخلاص
يعني يصرف نظر إيه المشكلة! أو حتى الجواري ما مهو من حقهم إن هما يتجوزا
ما هي يعني ماتستاهلش تروح تضرب إنسانه وتنتهك أداميتها ويجي واحد إنهاردة بمفهوم إنساني يدافع عن عمر ابن الخطاب
ويقولك دة علشان رفض التزوير
لأ دة عنصرية, دة قهر مايتبرأش الكلام دة يعني
فا المفروض أنا من وجهة نظري على الأقل تضامنًا مع العبيد إللي كانوا بيضربوا دول علشان لبسوا الحجاب على تضامنًا معاهم
يبقى هذا الرمز المفروض إن هو يتنزع كدة كرمز للعبودية أو كرمز للتفرقة العنصرية
ودة لما عملته هدى شعراوي في ميدان التحرير سنة 1920
لما نزعت الحجاب علشان دة كان مش مجرد إن هو حجاب لا دة كان رمز لأن الأتراك كانوا فرضينه
فالفرض في حد ذاته بينزع حرية المرأة فهي مش بس بتقول أنا ضد الدين أو ضد الإسلام
أنا ضد فكرة إن راجل يفرض عليا ألبس إيه وما ألبش إيه
فعلشان كدة هقلع الحجاب دة
السموات بقى بتطربق بقى لية؟
والدنيا بتتقلب لية؟
لية لما واحدة تلبس الحجاب يقولها مبروك؟
ولما تقلعه تتقلب عليها الدنيا وأصدقائها يعملولها unfriend على الface book ومايكلموهاش؟ ويقولوا لها لية كدة؟
على الأقل لو قلعتي الحجاب أستتري ماتحطيش صورتك الجديدة بعد ما كنتي لابسة حجاب لأن أنتي كدة بتهيني الحجاب
لية العكس؟
يعني شوف التفرقة يعني لو هي لو ماكنتش لابسة حجاب ولبست حجاب وحطت صورتها الجديدة على الface book
كلهم مبروك, الله جميل هياكل منك حتة, لأ دة أنتي لايق عليكي الحجاب أوي
والنبي صحيح؟
طب لية ماحدش بيقولها لما بتقلع الحجاب شعرك كدة وهو منسدل على وشك
منور وشك شكلك حلو أنتي كان متخبي منك حاجات جميلة كتير
هو دة المنطق إللي الطبيعة الجبلية مش عايزاه تتغير فيه
إنه ممكن أب ماعندوش أي مشكلة إن واحد ما بيحبش بنته يلمس شعرها علشان كتب عليها عقد ودفع فيها مهر
مابيحبهاش ومابتحبوش هو إللي يفك الضفاير وهو إللي يلمس الشعر وهو إللي
يعني احساس يعني كأن فران ماشية على جسم بني أدم حاجة كدة
تخيل أمرأة أنت كدة مش طايقة جوزها دة ومافيش تناغم ومافيش محبة
لأ دة مسموح له باسم الشرع إن هو يفك ضفايرها ويلمس شعرها ويلمسها
دة مش عيب, دة مش ضد الفضيلة, لكن ضد الفضيلة إيه؟
لو شالت الحجاب من على شعرها والناس دول بس شافوا شعرها
إيه المنطق الضيق, المحدود, الغبي دة؟
إزاي أنا أخد رمز تفرقة عنصرية حتى لما بقى الحجاب بعد كدة تطور وبقى المفروض إن هو إيه رمز للعفة
ودخل طبعًا القرآن صلح نفسه بعد كدة في الحكاية دي
إن هما وَلْيَضْرِبْنَ بِخُمُرِهِنَّ عَلَىٰ جُيُوبِهِنَّ ۖ وَلَا يُبْدِينَ زِينَتَهُنَّ إِلَّا لِبُعُولَتِهِنَّ أَوْ آبَائِهِنَّ أَوْ آبَاءِ بُعُولَتِهِنَّ أَوْ أَبْنَائِهِنَّ
طيب عفة رمز عفة المفروض الحجاب دلوقتي لما الست تمشي وشعرها مكشوف أنا الراجل مش هعرف أبقى على بعضي وهتعب
فبقى رمز العفة مهو مش دة مش النظرة دي المفروض خلاص يعني نحتقرها إنهاردة
إنها نظرة بتحتقر الراجل والمرأة في نفس الوقت بتعتبر المرأة سلعة جسدية مجرد جسد
وبتعبر الراجل مجرد حيوان يعني مايقدرش يتحكم في غريزته هيشوف شعر هيهيج,هيشوف شعر هاينط
ما هي النظرة دي فيها احتقار للأدمية بصفة عامة سواء راجل أو ست مش
على الأقل اعتراضَا على هذة النظرة إنهاردة إن إحنا نقول الحجاب دة على الأقل ماعدش ليه دور يعني
يعني ربنا دة إيه العقلية دي يعني ؟ إنه خلق إنسان بشكل معين
يعني كأنه خلقك كدة بمنخيرك ويقولك مناخيرك دي شكلها مش حلو مش عاجبني
طب ما أنت إللي خلقتني خبي مناخيرك
ماهو خبي شعرك زي خبي مناخيرك إيه الأثارة في الشعر؟
وبعدين الثقافات مختلفة يعني أنت عندك دلوقتي ثقافة في الهند الكتف عورة في الهند بس البطن مش عورة لذلك الست الهندية
ممكن تلبس الساري الهندي دة وتلفه حوالين نفسيها بس بطنها تبقى طالعة عادي
وماحدش يقولها يانهار أسود بطنك طالعة لية؟
في الإسلام طبعًا البطن دي لو ظهرت عند الست مصيبة المصائب, كارثة
فشهوة الناس في في رجالة كدة يعني بيموتوا في الجزم يعني بيسموهم فتيشيست
بيشوف الجزمة يهيج الجزمة مش رجل الست الجزمة نفسها
طب نعمل إيه في الموضوع دة نخبي الجزم؟
ما مش هنخلص فميول البشر مختلفة ومفهوم الأغراء والأثارة مختلف وحسب ما بتتعود أنت في المجتمع إللي أنت فيه
والمثال دة أنا قولته قبل كدة يعني في شواطىء أمريكا وأوربا وخاصة أوربا يعني
أنت ممكن تمشي تروح شاطىء من الشواطىء دول والست تكون يعني مش لابسة حاجة خالص
ومع ذلك ماحدش لا بيبص عليها ولا بيجري وراها ولا بيضايقها ولا أي شيء
لأن خلاص إصطلحوا الناس يعني المفروض الإنسان يرقي بأدميته أكتر من كدة شوية يعني
وإن أي حاجة بدون قبول وتوافق من الجانبين اجرام
فجسمها ليها هي ماليش دعوة أنا بقى حتى لو عاجبني الجسم ماشي
ما أضيقهاش بنظرتي وما أضايقهاش بالكلام ومامشيش وراها وأقول كلام
مين إللي بيعمل كدة في أوربا بمنتهى الصراحة أسأل أي حد عايش في أوربا
قوله مين إللي بيمشي ورا الستات في أوربا لما يكونوا لابسين قصير ويقولهم بقى كلام من نوعية أيوة يا باشا؟ هو القمر بيطلع بليل والحواديت إللي إحنا عارفينها دي كلها؟
هايقولك إن الغالبية طبعًا في ناس ممكن من جنسيات تانية, ممكن من أهل البلد نفسهم
بس الغالبية هتلاقيهم للأسف الشديد من ثقافتك أنت يأما عربي يأما باكستانين يأما بلاجنديش يأما أفغاني
للأسف. طب لية المفهوم الإسلامي دة ماخلاش ماعلموش العفة بقى؟
ما القرآن بيقوله قولهم يغضوا من أبصارهم ويحفظوا فروجهم
لية لما بتجيله الفرصة مابيعرفش يتعامل؟
لية الإنسان الأوربي بقى أكثر إنسانية وأدمية في تعامله مع المرأة؟
لية؟ لية إن التحرش في أوربا مابتداش يظهر غير لما المسلمين للأسف هجروا لأوربا وإبتدوا يجوا بأعداد كبيرة؟
لية مابتسألش نفسك الأسئلة دي كلها؟
وأنت بتقول الإسلام حرر المرأة وبتقول إن الحجاب رمز للعفة
طب ما البلاد إللي مليانه حجاب السعودية, أفغانستان, إيران أعلى نسب التحرش في العالم فيها
طب أنت مأنتش شايف ال relation ماأنتش شايف؟
فإللي عايز يصلح فكرة أو علاقة المرأة أو الإسلام بالمرأة والإسلام بالحجاب وو إلى أخرة
لازم يفتح المجال دة شوية أنا بستغرب كتير يعني إن إنهاردة الأخوان
بس مش بس الأخوان منظمات إسلامية كتير في أوربا وفي أمريكا بتحاول تعيد تسويق الحجاب
بتحاول تخلي الحجاب دة إن هو رمز لحرية المرأة
شوف اتقلبت الإيه إزاي؟ كأن المرأة هي إللي بتقول أنا عايزاه الحجاب
يبقى أصل القصة إن فيه الراجل حطلها قيود وأغلال في ايديها هة
هي جت بنفس القيود والأغلال إنهاردة جاية بتسوق دة في أوربا
وتقول الأغلال إللي في ايدي دي اختياري رمز لتحرري, رمز لتحرري, رمز لثقتي بنفسي
رمز لثقتك بنفسك إيه؟ دة بيقولك حطي البتاع على شعرك علشان الراجل مايهجش عليكي يبقى فين الثقة بالنفس بدة؟
وأنتي حاضر ياباشا أأمرني ياسي السيد, أأمرني ياسي السيد
وتيجي بقى إيه تقلب الآيه وتحاول تبيعه للغرب إن دة رمز لتحررها
وأنا رمز لثقتي بنفسي أنا إللي اختارت وطبعًا حكاية أنا لابسة الحجاب بحريتي دي
حاجة يعني جميلة جدًا, طبعًا الحجاب مسموح بيه في أوربا
بعض الاماكن طبعًا فرنسا مانعه الحجاب في المدارس زي ما كانت تركيا زمان منعاه
أوردغان هو إللي لاغى الموضوع دة
وإبتدوا يلغوا النقاب في اماكن معينة. المسلمين زعلانين
طب أنتوا زعلانين طب أنت بتقول النقاب مش من الإسلام
إللي بيقول نفس الكلام دة بيروح يدافع عن النقاب لأ
طب أنت زعلان لية؟ أنا عايز أعرف مين إللي ورا البتاع دي؟
أنت لو عندك مراتك داخلة الحمام وجية واحد بنقاب راجل بس لابس نقاب
وداخل وراها الحمام يعمل فيها حاجة يئذيها في حاجة أنت يرضيك كدة؟
طب ما أنت كدة حماية للمرأة على الأقل ماتخليش حد يلبس نقاب يدخل اماكن عامة
ماتعرفش مين إللي وراه بن لادن هرب من أفغانستان لباكستان بنقاب
الأخوان في رابعة قيادات الأخوان في رابعة هربوا بنقاب من رابعة علشان لما عرفوا إن الأمن هيجي يداهمهم
فبدافع لية؟ فحصل إن في النمسا من كام شهر كدة عملوا قانون إن القاضيات لأن
في ستات مسلمات درسوا قانون وطبعًا القانون النمساوي بيسمح لها إن هي تبقى قاضية
القانون الإسلامي مابيسمحلهاش إن هي تبقى قاضية خلي بالك
وبيقول لن يفلح قوم ولوا أمرهم امرأة
ومافيش ولاية للمرأة حتى شهادتها في المحكمة مجروحه لازم واحده تانية تدعمها
ماشي واخد بالك؟ فيجي القانون النمساوي يسمحلها تبقى قاضية
بس بيقول القاضية لازم تكون neutral محايدة فمتقدرش تطلع القاضية بحجاب تحكم في قضايا
لازم تكون ترمز لحياد الدولة بإن هي ماتكونش لابسة حجاب
طلعوا الستات المسلمات إللي ما بتشوفهومش إللي ما بتسمعلهومش صوت في أي قضايا تانية
طالعين بقى حجابي, حريتي,مش عارف إيه
حجابي؟ حريتي؟ حد منع حريتك؟ دة بيقولك القاضية إسلامك وبتقول إيه
وكاتبين بالألماني وبالأنجليزي حجاب means empowerment
يعني الحجاب معانها تمكين المرأة. طب ماحدش فيكوا عارف إن المرأة في الإسلام ممنوع تبقى قاضية؟
والنمسا بتقولها مسموح لها تبقى قاضية بعد ما مكنش مسموح لها تشهد في المحكمة
يبقى كدة النمسا ضد حرية المرأة والإسلام هو إللي empowerment
دة إيه المنطق العجيب دة؟ فأنا بتفرج على المنظر دة كلهم طبعًا المنظمات الإسلامية هي إللي عملاهم
وكلهم شايلين شعار واحد وكلمة مطبوعة بنفس الشكل والبتاع يعني
واضح التنظيم الأخواني والتنظيم بتاع أردوغان وبتاع حوالين الموضوع دة
فأنا كنت واقف مستغرب, مستغرب دول ستات مسلمين في أوربا المفروض الإصلاح يجي منهم
لأ دول ما بيطلعوش يعني يتظاهروا ضد اعمال العنف إللي بيعملها داعش أبدًا
مابيتظاهروش ضد النساء إللي بترجمها إيران أو السعودية أبدًا
مابيتظاهروش ضد جرائم القتل من أجل الشرف هو طبعًا من أجل العار إللي بيعملها المسلمين
ولا تسمع عنهم أي حاجة, ضد غصبهم على الزواج
مابيتظاهروش ضد الحاجات دي كلها يتظاهروا أمتى؟
لما يتمنع عنهم حبيبهم الحجاب, الحجاب إللي هو المفروض إن هو هاويتهم كلها فيه
حد أقنعهم بالموضوع دة. أنا كان ليا زميلة في الجامعة من 20 سنة وأنا بدرس في ألمانيا
ولابسه حجاب وعمالة تقول ندوات وحاجات كدة أنا لابسة الحجاب بحريتي
والحجاب دة بيمثلي إن أنا بحس إن أنا حرة, والحجاب دة مش عارف إيه وكلام جميل عمالة تقوله
فأنا بتناقش معاها كان في حوار بين طلبة يعني بس مفتوح
قولتلها هو حكاية إن أنتي لابساه بحريتك دة مشكوك فيها شوية لأن في الإسلام بطبيعته ودي من أكبر خطورة أنا شايفها في الإسلام
إن هو دايمًا بيصور العبودية على إنها هي الحرية
فقولتلها أنتي لو لابسه الحجاب بحريتك وماحدش غصبك عليه وإن هو مافيش أي ضغوط ومافيش غصب من أي حاجة
قولتلها أنتي شايفة إن الحجاب دة هو بيحميكي مني؟
علشان أنتي لو قلعتيه دلوقتي أنا ممكن أعملك حاجة أو غيري أو حد من إللي قاعدين هنا؟
لأ لأ اطلاقًا دة بالعكس الإسلام بيحترم الراجل وبيحترم المرأة بنفس الشكل وبتاع
ودة مالوش أي علاقة بالأثارة ومش الأثارة
قولتلها طب أقلعيه يعني عايزين نعمل تجربة إيه إللي هيحصل لو شيلتي الحجاب دة قدامي؟
مادام ربنا مش شايف إن أنا غلط إني أشوف شعرك وأنتي مش شايفة غلط إني أشوف شعرك
جربي كدة, أنا طبعًا مايهمنيش تقلع الحجاب ولا لأ أنا كنت عايز أوصل لنقطة معينه
قالتلي ماقدرش
قولتلها ماتقدريش لية؟ إيه إللي هيحصل لو قلعتي الحجاب قدامي؟
قالت هحس إن أنا عريانه
قولتها بس خلاص وصلتني الرسالة كدة
دة أكبر دليل إن أنتي مش لابساه بحريتك ولا حاجة
لأن الحرية في الاتجاهين إن أنا لابس دة بحرية وأقلعه بحرية
لكن أنا دلوقتي لو قلعت الحجاب أحس إن أنا عريانه دة قمة العبودية إللي هي نفسية
إن أنا خلاص ماعدتش ملاحظة
هي ماكنتش ملاحظة خالص بس لما قالت أحس إن أنا عريانة
وهو دة بالظبط العامل النفسي للإسلام يصورلك العبودية والتنازل عن حقوقك
إن هي دي قمة الحرية والتحرر ومافيش أجمل من كدة حياة
هو دة السبب إللي بيخلي دايمًا يقولك الحجاب هو رمز التحرر, الحجاب هو رمز الثقة بالنفس
حجابك هو مش عارف هويتك, الإسلام حرر المرأة واداها حقوق غير مسبوقه
كلام غير منطقي على كل المستويات بس علشان الإسلام مصورلك إن هو دة إن هي دي الحرية
بيحركك كلعبة في مسرح عرائس كدة وكدة وكدة
ويقولك شوف أنت حر إزاي؟ شوف التانين العبيد ولاد الكلب إللي مخلين ميركل رئيستهم؟
ما أفلح قوم ولو أمرهم امرأة
بس الإسلام كرم المرأة, والإسلام هو إللي اداها حقوق غير مسبوقه
الإسلام مانعها إنها تبقى قاضية أو شاهدة بس النمسا بتديها الفرصة تبقى قاضية
بس النمسا لما تقول تبقى قاضية من غير حجاب يبقى الإسلام حرر المرأة والنمسا ضد حقوق المرأة
أشي خيال! هو دة المنطق إللي مافيش حد في الدنيا ممكن يعمله غير الإسلام
نراكم في الحلقة القادمة.
Download text file
You may also like
